Покодемань основной результаттнень колга азондсь УФНС-ть руководителец Юрий Горюнов. «Ётай кизонь васенцексс событиякс арась Единай налоговай счет системать лангс ётамась. Реформась лезды тиемс налогонь пандомать сяда тёждяста – тяни сембе налокнень бизнезти и граждаттненди или кода пандомс фкя пандома вельде. Тя тевсь лац кирьфтазень налогоньпандыхнень тевснон» - мярьгсь васенце налоговиксь.
Цебярь процесснень мархта республикать экономикац пяшкотькшнесы налоговай поступлениянь цебярь вииямась-касомась.
2023 кизоне налоговикнень вельде бюджетнай системати сась 90-да лама млрд цалковай доход (тя 14,3 % сяда лама чем ульсь 2022 кизоня): федеральнай бюджету – 21,9 млрд цалковай, консолидированнай республикань бюджету – 41,1 млр цалковай, внебюджетнай социальнай фондтненди страховой взносне – 27,2 млрд цалковай.
Поступлениятнень касомасна киртьф сембе основной источникнень мархта, сембода оцю касомань темпсь уставась налогооблажениянь упрощенай системать пандоманзон коряс. Тя сотф саф минь Республиказнок индивидуальнай предпринимателень лувкссть касоманц мархта. 2023 кизоня Мордовияв сась 2158 предприниматель.
Станя жа моли цебярь динамикась НДФЛ-нь сафксснень марта бюджетть потмос – касомась няфтсь 115%. Тя показательсь ладяй эрьковонь средняй покодеманкса пандомати республикаса. Тяфта же касома лиссь НДФЛ-ть объемонц мархта, бюджетста саф 1,5 млрд цайлокахне састь физическяй лицатнень счетс.
2023 кизоня лядсь трендсь пандыхнень эсьволя, саф проверкафтома рискнень урядамасна. Марстонь саф ярмакне контрольнай и контрольно-аналитическяй покодемать коряс лиссть 874 млн цалковай, эздост 200 млн цалковайсь максф республиканскяй бюджетти.
Васенце направлениясь государственнай управлениянь системать цебярьгофтомаса – госудаственнай услугатнень качестваснон касомац. Федеральнай налогонь службась васенце упортть тиендьсы синь дистанционнай максомаснон лангс. 218 тежянь республикань эряй малава и 22 тежянь юридическяй лицаттне и предпринимательхне покодихть налогоньпандыень эсь кабинетснон эса.
Ведомствась ётафты оцю покодема населениять налогонь содамашиснон, налоговикнень профессиональнай кваллификацияснон кеподеманцты.
Мордовиянь Оцюнясь китькстазе: Россиянь ФСН-нь – фкясь инь вишкста касы структуратнень ёткса, конат покодемазост ноляйхть передовой практикат и технологият. Клиентоориентированностьснон коряс службать эряви путнемс примерс.
«Налогонь оргаттнень покодемаснон мархта сотф граждаттнень цебярь эряфсна, васенцекс социальнай задачатнень тиемасна, инвестиционнай проекттнень тевс нолдамасна, - китькстазе Артём Здунов. 2023 кизоть итогонзон коряс няеви промышленность и АПК-ть эса цебярь динамикась, касфттама финансонь управлениять качестванц, покодттяма налогонь базать и бюджетонь доходтнень касфтомаснон лангса. Покоддтяма фкя командакс!»
Кизонь итокнень коряс няеви – республикань эсь налогонь поступлениятне ётай кизоть коряс кассть 5 %, НДФЛ-сь 2 млрд цалковайс. Касома мархта тиф организациянь прибыльть лангс налогсь. Мордовить инь цебярь показателенза Привожскяй федеральнай округса и нилеце вастсь странаса упрощеннай налогооблажениянь системать коряс. Профессиональнай доходть лангс налогть коряс республикась тяфта же васенцекссь округса и котоцесь Россияса. Омбоце кизось Мордовиясь тевонь средань арушинь коряс лидерхнень ёткса – васенце показательсь налогоньпандыень финансовай дисциплинаса.
Имуществань налогооблажениянть пяльксса станя жа мольфтеви марстонь покодема, ули цебярь динамика – сонь эряви касфтомс сяда тов. Ульсь китькстаф, што ётай кизоть ётафневсь недвижимай имуществать кадастровай питненц переоценкац – сон кассь 40%-тс.
Тяниень кизоть налоговай поступлениятнень параметрасна лувфт тяфтама касомань темпса: 104 % 2023 кизоть уровененцты. Мордовиянь Оцюнясь мярьгсь: эряви тиемс упор администрированиять коряс покодемать лангс.
«Марнек кизоть ётафтоськ лац». Мордовияти эрь лишнай цалковайсь – тя плюс. Сянкса минь тяряфнетяма касфтомс и виияфтомс экономикать, штоба тевс нолдаволь сяда лама инвестпроектт, штоба республикав сашендольхть ломатть. Тинь мархтонт фкя командаса минь карматама сатнема налогонь пандомань сафкст, - мярьгсь Артём Здунов.
Мордовия Республикань Оцюнять пресс-службац