Мордовиянь Оцюнясь путсь задача примамс сембе эрявикс мератнень , происшествияфтома. «Башка оцю мяль эряви шарфтомс илань мероприятиятнень ётафтомаснонды», - мярьгсь Артём Здунов.
Ётафтови работать колга азондст МР-ть эзга внутренняй тевонь министрсь Юрий Поляков и МР-ть эзга Росгвардиянь Управлениять начальникоц Андрей Каринкин. Силовой ведомствань сотрудникне маластонь шитнень ётаёхть службань кирдемань виияфтф режимс.
Стане жа комиссиять заседанияса корхтафоль сай кизонь главнай общественно-политическяй событиять — РФ-нь Президентонь кочкаматненди анокламста и ётафтомстонза безопасностть обеспечендаманц колга.
«Минь задачаньке — ётафтомс кочкамань кампаниять республиканьконь территорияса организационнай оцю уровеньца, обеспечендамс безопасностть голосованиянь ётафтома васттнень эса, виияфтомс важнай и пелькс объекттнень эса антитеррористическяй аралафшиснон. Башка мяль веши кизефкссь, кона сотф образовательнай организациятнень антитеррористическяй аралафшиснон мархта», - мярьгсь Артём Здунов.
Заседанияса кулхцонтфтольхть Мордовиянь образованиянь министрть Елена Солдатовать, Саранск ошень округонь оцюнять заместителенц — Социальнай политикать коряс Департаментть директоронц Оксана Шуляповать, Лямбирскяй райононь оцюнять Юрий Головонь, Ромодановскяй райононь оцюнять Сергей Видяшкинонь и Ичалковскяй райононь оцюнять васенце заместителенц Александр Сусенковонь докладсна.
Пуромксса кемокстафтольхть Мордовия Республикань Антитеррористическяй комиссиять и Мордовия Республикаса Оперативнай штабть работань планцна.
Мордовия Республикань Оцюнять пресс-службац