Фонтаннай спусксь — Саранскяйть визитнай карточкац. Тя общественнай территориять кельгсазь ошеряйхне и Мордовиять столицанц инжиенза, сон ванфтсы эсь эсонза ошть историческяй наследиянц, тяса ётафневихть оцю мероприятият.
Азфоль, што тядде ошень власттнень мархта аноклаф тя территориять петеманкса-мазоптоманкса проект, кона получазе госэкспертизать положительнай заключениянц. Коряванза сембе работатне ётафтовихть кафта этапса: васенцесь — Советскяй площадть эзда пешеходнай седти молемс участкась, омбоцесь — сонць пешеходнай седсь и А.С.Пушкинонь лемса культурань и ваймамань парку сувама вастсь.
Совещанияса корхтафоль благоустройствать коряс проектть эряфс ётафтоманц колга.
Мордовия Республикань Оцюнять пресс-службац