Региональный инвестстандартсь тиф бизнесонь административнай барьеронь валхтомать лангс инвестпроектонь касфтомаса-виияфтомаса. 2021 кизоня Республикась сувась 12 пилотнай региоттнень ёткс, коса сон ульсь нолдаф. Ётай кизоть региональнай инвестиционнай стандартсь ульсь лувф сувафтфксокс 70 странань субъектса, синь ётксост Мордовиясь. Тя процессть верификациянц ётафнесазь деловой кочкафкст - «Деловая Россия», Мишендемань-промышленнай палатась и предпринимателень и промышленниконь Российскяй союзсь.
«Регинвестстандартть аш кода проста сувафтомс, сонь эряви фалу верифицировандакшнемс, кемокстакшнемс. Эрьда тячи корхтатама сянь колга, кода эряй бизнезсь, марясыне ли сон административнай барьехнень валхтомаснон, - мярьгсь васьфтемань участникненди республикань руководительсь. – Минь няйсайнек цебярь полафкснень – предпринимательда, сивотьф покодида емла и ётка бизнезса регионца арась сяда лама, кассть инвестициянь объепне».
Региональнай инвестиционнай стандартонь сувафтомать верефикациянц итогонзон и тяниень кизоти правиланзон колга азондсь МРО «Деловая Россия» председательсь, предпринимателень правань араламать коряс Уполномоченнайсь Елена Юрченкова. Мордовияса тиф покодемань пуромкс, тоза сувасть деловой кочкафксонь представительхне и 30 инвестор. Ётафтф кизефтемась няфтьсь цебярь полафкст регионтть инвестклиматса. Тя кизоть станя жа эряви максомс оценка стандартть сувафтоманцты, конац сувафтф региононь национальнай рейтингонь показательхнень ёткс.
Тяфта жа республикать инвестиционнай касоманц-виияманц колга азондсь РМ предпринимательствань и мишендемань, экономикань министрть и.о. Иван Горин.
Мордовия Республикань Оцюнять пресс-службац