Артём Здунов китькстазе, электросетевой комплексть вияманц-касоманц эрявиксшинц, синь ётксост регионтть промышленнай потенциалонц учетонц мархта. «Тейнек эряви ладямс од строямань и 2025-2029 кизотненди электросетевой объектненди одкстопфтомань объепне, шарфтомс мяль Мордовияса тиеви особай экономическяй зонать нужанзон лангс», - мярьгсь республикань Оцюнясь.
Маластонь вете кизотнень «Мордовэнерго» - «Россети Волга» филлиалти капитальнай путфксонь финансированияти путф планц 2,7 млрд. цалковай ярмак. Инвестиционнай программась сувафты 17,8 МВА трансформаторнай мощность и 350 км лама электропередачань линия.
Башка ванф энергетикне макссихть Мордовиянь потребительхнень электроснабженияснон надежностенц касоманцты и электросетевой хозяйствать инновационнай касоманцты-виияманцты. Учеви распределительнай сетень одкстопфтомась Атяшевскяй, Ардатовскяй, Ичалковскяй, Дубенскяй райоттнень эса.
Электрическяй сеттнень надежностьснон и цебярь шиснон касфтомс путф планц автоматизациянь явомань интеллектуальнай системать поэтапнай сувафтомац и энергообъектнень управлениясна, телеуправлениянь системань и микропроцессорнай терминалонь пумомась.
Тяфта жа васедемаса корхтасть республикать и электросетевой компаниять ёткса регуляторнай соглашениянь параметратнень колга. Кда арави сонь сатомс Мордовиянь электрическяй сеттненди инвестициятне касыхть нинге 632 млн. цалковай лангс.
Васедемать пингста участникне тяфта жа корхтасть сяда тов покодемать колга Мордовия Республикаса кабельнай паршиень нолдайхнень мархта и электрическяй сетень консолидациянь кизефкснень колга.
«Республикань экономикась касы, и минь цебярь сотрудничестванеке лезды инголи моли аськолксса касфтомс-виияфтомс сонь инфраструктурнай основанц», - китькстазе «Россети Волга» компаниять генеральнай директороц Александр Гаврилов.
Мордовия Республикань Оцюнять пресс-службац