Ётай кизоть службать структурнай подразделенияса ульсь 500 тежяньда лама исполнительнай производства – тя инголи моли показательда пцтай 22 тежяньда лама.
Александр Пеунков китькстазе, што ётай периодть итогонзон коряс странать бюджетнай системас ульсь етафтф 523 млн цалковайда лама, синь ёткстост 360 млн цалковайсь – тя налогт.
«Цебярь результатт сатовсть исполнительнай производствань социально-значимай категориятнень коряс. Иденди ульсь ётафтф 428 млн цалковайда лама алимент. 26 млн цалковайда лама кирдьф заработнай платать коряс задолжностть – тя категорить эса показательне емлалкаткшнихть сяс мес республикаса емлалкаткшнихть аф эсь пингста макссеви зарплатань объепне», - мярьгсь Мордовиянь прявкс судебнай приставсь.
Управлениять сотрудниконзон вийса ётай кизоть ульсь максф 11 тежянь судебнай заседаниянди ладяф етафтомань порядка. Оцю покодема ведомствась мольфти коллекторскяй организациятнень деятельностьснон коряс – киза потмоста ломаттнень эзда сась 130 лама пеняцяма тяфтама организациянь афправомернай тевснон лангс.
Ульсь китькстаф, што етай кизонь итогнень коряс республикань УФССП-сь арась сяськикс конкурс-ваномать эса «Лучший территориальный орган Федеральной службы судебных приставов» званиять лангс странань региоттнень ёткса эсь категориясонза.
Мордовиянь Оцюнясь макссь цебярь оценка ФССП-нь региональнай Управлениять покодеманцты. Сон китькстазе, што эряви и сяда тов покодемс уполномоченнай оргаттнень мархта марс и ётафнемс эряфс эффективнай деятельность касфтоманц коряс мератнень.
Мордовия Республикань Оцюнять пресс-службац