Республикань Правительстваса ванфтольхть васенце вастс лихневи проекттне

16 январьста ульсь Мордовия  Республикань Правительствать заседанияц. Корхтамась мольфтевсь социальнай  ширде эрявикс сфератнень эса, тяка лувксса здравоохраненияса  и ЖКХ-са, васенце вастс лихневи  проекттнень кемокстамаснон колга.

Здравоохраненияса тяфтама проектта ниле:

Васенцесь – тя «Совершенствование организации медицинской помощи новорожденным и женщинам в период беременности и после родов» проектсь. МР-нь здравоохранениянь министрть Михаил Морозовонь валонзон коряс, республикаса тиф медицинскяй лезксонь максомань колма уровенень система, кона лездсь цебярьгофтомс качестванц, сувафтомс тевс тяниень пингонь технологиятнень.

Васенце задачась тячи – ванфтомс атнайнятнень еткса кулсематнень киремаснон коряс сатфкснень.

Аф сяда емла эрявиксшиц «Совершенствование процессов организации медицинской помощи на основе внедрения информационных технологий» проектть. Тясовок улихть кой-кодама сатфкс, но, аф ваномок тянь лангс, 2019 кизоти лама мезсь нинге сатома. Тяфта, медицинскяй организациятнень пялькссна, конат етафтозь медицинскяй документациять электроннай видс и примсихть участия электроннай медицинскяй документооборотса, должен пачкодемс 75 процентс.

Тага фкя программать лемоц корхтай сонць эсь инксонза – «Внедрение автоматизированной системы мониторинга движения лекарственных препаратов от производителя до конечного потребителя для защиты населения от фальсифицированных лекарственных препаратов и опреативного выведения из оборота контрафактных и недоброкачественных препаратов».

И меколи, «Обеспечение доступности оказания первичной медико-санитарной помощи и своевременности оказания электронной медицинской помощи населению Республики Мордовия, проживающего в муниципальных районах».

- Васенце вастса тейнек  васенце медико-санитарнай лезксть  кемокснемац, тяка лувксса велеса, сонь маладомац эрь республикань  эрь ломанти, - отмечазе МР-нь Правительствать  Председателец Владимир Сушков.

Тянкса арьсекшневи касфтомс общеврачебнай практикатнень, келептемс выездной бригадатнень работамань вастснон.

Медицинскяй услугатнень сатомаснон касфтоманкса (тяфтама задача путф Мордовиянь Оцюнять Владимир Волковонь Посланиясонза), эрявксты кемокстамс, козякофтомс скорай медицинскяй помощень службать. Арьсекшневи панжемс скорай медицинскяй помощень единай диспетчерскяй служба.

Сярядити скора медицинскяй помощень бригадать 20 минутаста пачкодемаснон пяльксоц должен пачкодемс 95 процентс.

Кда корхтамс ЖКХ-ть квалма, «Обеспечение качества жилищно-коммунальных услуг на территории Республики Мордовия» васенце вастти лихневи проектть коряс арьсекшневи сувафтомс тевс лама квартирань куттнень мархта управлениять коряс работань единай актуализированнай стандарт, лихнемс ЖКХ-нь ГИС-ти пандомань документтнень, коммунальнай услугань пандоманкса шумотнень колга информацият. Башка мяль шарфтови жилищно-коммунальнай услугатнень качестваснонды оценкань максомань системать анокламанцты.

«Формирование комфортной городской среды на территории Республики Мордовия» проектть мяльс сявозь арьсекшневи цебярьгофтомс муниципальнай образованияса, коса эряй тежяньда лама ломань, эрямань вастть качестванц.

Заседанияса ванфтольхть и лия кизефкст.

Мордовия Республикань Правительствать Пресс-службац