Россиянь ФСБ-сь пачфтсь безопасностень федеральнай службать работанц колга литературань и искусствань инь цебярь произведениятнень лангс эрь кизонь конкурсть етафтоманц колга.
Конкурсть пингста кочкавихть инь цебярь произведениятне, конатнень эса художественнай оцю уровеньца няфтьф безопасностень органонь сотрудниксь, сонь работац.
Конкурссь етафтови тяфтама номинацияс коре:
- «Телевизионнай и радиопрограмматне» (документальнай фильматне и телепрограмматне, теле- и радиопередачань циклатне);
- «Художественнай литературась и журналистикась» (прозась, поэзиясь, очеркне, репорташне);
- «Музыкальнай искусствась» ( профессиональнай и авторскяй моротне, творческяй коллектифнень концертнай программасна – отмечавихть исполнительхне, стихонь и музыкань авторхне);
- «Кино- и телефильматне» (режиссерскяй работась );
- «Актерскяй работась» (актерскяй мастерствась);
- «Изобразительнай искусствась» (живописсь, скульптурась, графикась, монументальнай и оформительскяй работась).
Конкурсса няфтевихть безопасностень оргаттнень работаснон колга литературань и искусствань произведениятне, конат аноклафтольхть тядде и тяда ингольдень кизотнень.
Конкурсса участвондаманди заявкатне максовихть кода синцень авторхнень мархта, стане и синь согласиястост, издательстватнень, редакциятнень, кино- и телекомпаниятнень, творческяй союснень, общественнай организациятнень, физическяй и юридическяй лия лицатнень мархта.
Заявкатне пяшкодевихть произвольнай формаса, коса няфтема номинациясь. Физическяй лицатнень заявкасост тяштема произведениянь авторть фамилияц, лемоц, отчествац, почтовай индекс мархта кудонь адресоц, контактнай телефоноц. Юридическяй лицатнень заявкасост – организациять лемоц, почтовай адрессь, телефонць.
Заявкати поладома: конкурснай работась, изданиять и авторть колга нюрьхкяня справкась; произведениять лангс аннотациясь; прессаса отзывсь, рецензиясь, статьясь ( кда тяфтамот улихть).
Кда конкурсса няфтьф коллективнай произведения, максомат сведеният творческяй коллективть вятиензон колга.
Конкурсс кондястихть:
- литературнай произведениятне – кафта экземплярса печатлаф печатнай издания лаца;
- журналистскяй работатне – печатлафста, няфтемок изданиять лемонц, коса синь печатлафтольхть, и печатламань пингть, кафта экземплярса;
- видеоматериалхне – VHS, Betacam SP форматонь видеокассета лангса или CD и DVD форматонь лазернай носитель лангса, кафта экземплярса;
- аудиоматериалхне – аудиокассета или компакт-диск лангса, кафта экземплярса;
Конкурсс кучф работатне аф мрдафневихть и аф рецензировандавихть.
Конкурсса участвондаманди заявкатне примавихть тяддень 1 октябрть самс.
Итокне тиевихть тяддень декабрь ковста.
Конкурснай работатне кучевихть селкф конвертса «На конкурс ФСБ России на лучшие произведения литературы и искусства о деятельности органов федеральной службы безопасности» тяштьфкс мархта тяфтама адресс коре: 107031, Москва, Лубянская пл., 2, Центр общественных связей ФСБ России.
Контактнай телефонць (495) 914-39-08, факссь (495) 625-05-78.