Россиянь МЧС-ть оцюняц Владимир Пучков и Мордовиянь Оцюнясь Владимир Волков казезь од спасательхнень

Россиянь МЧС-ть оцюняц Владимир Пучков и Мордовиянь Оцюнясь Владимир Волков казезь од спасательхнень

Россиянь МЧС-ть оцюняц Владимир Пучков и Мордовиянь Оцюнясь Владимир Волков ульсть Саранскяйса 1№ пожарно-спасательнай частьса, коса васетькшнесть тоса работай сотрудникнень, а стане жа республикаса ветеранскяй и кадетскяй движениянь активть мархта.

Министрсь и республикань вятись спасибасть кадеттненди кочкаф тевснон, ломаттненди лезнемс анокшиснон инкса, азсть надияма, што синь арайхть эсь странань достойнай гражданинкс.

Васедемать пингста максфтольхть казнет од спасательхненди. «За отвагу на пожаре» медальса казьф Торбеева поселкань 1№ школань котоце классонь тонафнись Василий Белов. Тяддень августста церокшсь лездсь лисемс палы кудста эсонза эряйхненди и примась участия пожарть матомаса пожарнай подразделениятнень самозост. Медальда башка министрсь казсь школьникти лабрадор породань пине лефкс.

Саранск ошень 25№ школань котоце классонь тонафнити Дарья Манченковати МЧС-нь оцюнясь макссь «За спасение погибших на водах» медаль. Етай кизоть школьницась аралазе ломанть Рузаевскяй райононь Сузгярьгень водоемса. Стирняти казсть мобильнай телефон.

МЧС-нь оцюнясь Мордовиянь лидерсь отмечазь стане жа тонафнемань заведениятнень, коса активнайста виияфневи кадетскяй движениясь – тя Саранскяень 3,27№ школатне, 26№ лицейсь. Казненди теест максфтольхть телевизорхт.

Мордовия Республикань Оцюнять пресс-службац