«Ломаттнень эрямань условияснон цебярьгофнемасна ащи васенце вастса региоттнень мархта работаса. Программать тевс сувафтомста 2019 кизоста сявомок 2019 кизоста Мордовияса аварийнай эряма вастста ломаттнень етафтомаснон показателец арась 44 тёжянь квадратнай метра, а тя корхтай сянь колга, што 2,6 тёжянь ломанць обеспечендафт ни цебярь условияса», - отмечазе Россиянь Минстроень вятись Ирек Файзуллин.
«Уликс программать коряс 2023 кизоня сави етафтомс ломаттнень нинге 29 тёжянь квадратнай метрань площадьста, од эряма вастса сави обеспечендамс 1,7 тёжянь ломанть», - мярьгсь Мордовиянь Оцюнясь.
Васедемать пингста корхтафоль «Жилье и городская среда» национальнай проектонь «Жилье» федпроектонь «Стимул» программать мяльса кирдезь эряма вастонь строямать колга, а стане жа инженернай сетьтнень строямаснон квалма.
2022 кизоня регионца благоустроендафоль 10 общественнай и 14 куд пирьфонь территория.
Стане жа корхтафоль жилищно-коммунальнай хозяйствать одкстопнеманц квалма Национальнай благосостояниянь фондть средстванзон тевс нолязь.
Тяда башка Артём Здунов и Ирек Файзуллин корхтасть Советскяй площадть и Фонтаннай спускть реконструкцияснон колга. Тя тевсь тиеви «Молодежь Мордовии в этнокультурном пространстве: реальность и перспективы» финно-угорскяй народонь омбоце Всероссийскяй фестивальть карша, коза сай пцтай 5 тежятть участник Россиянь 16 субъектста.
Васедемаса примась участия вице-премьерсь Инсаф Хайруллин.
Мордовия Республикань Оцюнять пресс-службац