12 апрельста ульсь Россиянь Президентть Владимир Путинонь Мордовия Республикань Оцюнять мархта васедемац, конань пингста Владимир Волков путфоль региононь вятить тевонзон тиендикс кочкаматнень самс, конат кармайхть тяддень сентябрьста.
«Владимир Дмитриевич, тон содасак, лама тиф тя пингста, но аф кржа тевда инголевок, сяс тифть, а стане жа республикань эряйхнень мяльснон-арьсемаснон мяльс сявондезь, эряви арьсемс сай пингонь работать», - мярьгсь государствань Оцюнясь.
«Мон азан мяль тееть тиендемс республикань вятить тевонзон сентябрьста кочкаматнень самс»,- поладозе Владимир Путин.
Сон азсь надияма, што Волковонди удалай лац-ряц вятемс избирательнай кампаниять и поладомс работанц. Эсь ширденза республикань Оцюнясь надияфтсь, што кармай тиендемонза семботь, мезсь ащи эздонза.
Мордовия Республикань Оцюнять Пресс-службац