Россиянь Президентсь Владимир Путин кемокстась Указ «Электровыпрямитель» публичнай акционернай обществань преобразовательнай техникань научно-инженернай центрать директоронцты Георгий Шестоперовонди «Заслуженный машиностроитель Российской Федерации» почетнай званиять максоманц колга. Званиясь максф машиностроенияса оцю сатфксонь сатнеманкса и лама киза совестьс коре работаманкса.
Тяда башка, «За заслуги перед Отечеством» II степенень орденонь медальса казьф Мордовия Республикать эзга судебнай приставонь федеральнай службань Управлениять Ичалковскяй и Большеигнатовскяй райоттнень эзга
судебнай приставонь отделонь судебнай приставсь-исполнительсь Марина Бутяева.
Марина Бутяева казьф законностть кемокснемаса, граждаттнень праваснон и интересснон араламаса сатфксонь сатнеманкса, лама кизот совестьс коре работаманкса.