Мекольдень кизотнень, 2012 кизоста сявомок тяниень пингти самс, Мордовиянь ламоц министерстватне и ведомстватне ламода кемокстазь транспортнай базаснон. Тяфта, кепотьксонди, Саранскяйсь педа-пес одкстоптозе пассажирскяй транспортонь паркть. 6 кизоста ошсь получась 88 од автобус и 57 троллейбус, а стане жа 205 единица од коммунальнай техника.
Республикань ошень и велень школатне тя пингста получасть 97 од автобус. Больницятненди поступась скорай помощень 121 машина и 11 лечебно-диагностическяй комплекс.
Тячи Мордовиянь спасательхне козякофтфт тяниень пингонь машинаса и оборудованияса – тя кизотнень МР-ть эзга Россиянь МЧС-ть Управленияс поступась спецтехникань 129 единица. А Мордовиянь Внутренняй тевонь министрствась примась эсь ведомствазонза 497 автомобиль.
Тяфта, сембоц 2012-2018 кизотнень республикань китнень лангса эвондась 1205 единица од, тяниень пингонь техника, кона эрь шиня пяшкотькшни важнай задачат, тянь цебярьгофнемок тянь мархта Мордовиянь эряйхнень эряфснон. Тя сатовсь Россиянь Президентть В.В.Путинонь лезксонц, странань Правительствать ширень кирдеманц, а стане жа республикань представительхнень осударственнай Думаса и Федерациянь Советса эффективнай работаснон вельде.