3 февральста Саранскяйса етась «Россиясь – монь седисон» митинг-концерт, кона лемтьфоль Доброволецонь и волонтеронь кизоти. Мероприятияса примасть участия 5 тежятть ломань.
Митингонь-концертонь участникненди савсь аф теждяста: цят моли кельмось, аера вармась ашесть макссе лафчемомс киндивок. Аф ваномок тянь лангс, 13.00 частти Ледовай дворецть ингольде площадьса марьти ашель коза прамс. Флешмобсь пуроптозень од ломанень и общественнай организациянь активисттнень, конат волонтерствафтома аф шарьхкотькшнесазь эсь эряфснон.
Мордовиянь од ломаттненди волонтерствась кунара ни арась эсь лацонь визитнай карточкакс. 2017 кизоня минь доброволецоньке няфтезь эсь пряснон Од ломанень и студентонь всемирнай фестивальса, кона етась Сочиса. А кизонда волонтерхне примайхть участия футболть коряс миронь чемпионатса, конань матченза етайхть Саранскяйса.
Сянь колга, што добровольчествась – тя аф фкя пингонь тев, а эряфонь кой, азондсть активисттне-волонтерхне. Ширеснон кирнезь од артисттне, сембе пуромфне. «Россиясь – монь седисон» - тя шиня девизсь кайгсь кода тевонди кошарды.