Лятфтасаськ, Саранскяй духовнай семинариясь пуроптфоль 2017 кизоня Москувонь и сембе Русень Святейшай Патриархть благословиндаманц коряс. Тяниень пингть Мордовияса лувондови пцтай 400 приход, конатненди эрявихть профессиональнай священникт, конат маштыхть од ломаттнень мархта корхнема, водендакшнемост волонтёрскяй тевти, шарфнемс мяльснон традиционнай христианскяй питнишитненди.
Мордовиянь Оцюнясь спасибась бизнесонь представительхненди — попечительскяй советонь члеттненди тонафнемань организациятнень ширеснон кирнеманкса. «Тейнек пяк важна, штоба храпненди сашендольхть аноклаф священникт, - мярьгсь Артём Здунов. - Эряви пачфнемс од ломаттненди историческяй мялямть, национальнай геройхнень и святой подвижникнень, православнай койхнень-обуцятнень и культурать почитандамаснон важнайшинц».
Республикань руководительсь китькстазе, што информационнай пространствась тяни ламода лия несколька кизода тяда ингольденнеть коряс, и тя эряви сявондемс мяльс эсь работасост сембонди, тяконь лувксса священнослужительхненди.
Саранскяй и Мордовскяй митрополитсь Зиновий китькстазе, што аньцек народть духовностенцты ули кода ащемс каршек западнай мирть агрессиянцты. «Россиять мархта тяни тюри мировой кяжсь. Сон щашенды эсь лангозонза добродетелень шамафкст.Но афкукс минь няйсаськ, што ня шаафкснень эшксса кяшендеви кельготнема. Мольфтеви панжада тюрема ломанть религиозностенц и ломанькс улеманц мархта», - мярьгсь сон.
Заседанияса ванфтольхть духовнай образованиять виияфнеманц мархта сотф кизефксне. Тяниень пингть семинарияса тонафни 200 лама ломань образовательнай колма программатнень коряс. Стане жа тонафнемань заведениять видеса работайхть священнослужительхенди и церковнай специалисттненди квалификациянь касфнемань курсат.
Пуромксть шумордамста попечительскяй советонь инь активнай участникненди максфтольхть благодарностть.
Мордовия Республикань Оцюнять пресс-службац