«Сафаргалиевскяй лувомань ётафнемань койсь ушедовсь 1996 кизоня. Гражданственностень и патриотизмань темась тячи сядонга важнай. Минь няйсаськ, кода полафни марсь, няйсаськ, што ся сотксне, конат тяда инголе ульсть кемот, сраткшнихть-калаткшнихть. И марстоньшифтома стака арьсемс обществать вииякшнеманц», - пшкядсь пуромфненди МР-нь Правительствать Председателец Дмитрий Поздняков.
Сон стане жа лувозе Мордовиянь Оцюнять Артём Здуновонь приветствиянц: «Российскяй Федерациянь Президентть Владимир Владимирович Путинонь мархта аф весть китьксневсь, што патриотическяй питнишитне кирнесазь российскяй региоттнень кеме вииякшнемаснон. Нароттнень и религиятнень марстонь тевонь вятемасна пачфтсь уникальнай культурнай лама ширеть и ломаттнень духовнай марстоньшиснон пуроптомаснонды. Марса пуропты тевкс сембонди арась специальнай военнай операциясь. Минь араме странать судьбаса эсь лацонь эпохати. Оцю Россиясь арась нинге сядонга оцюкс и виикс. А главнайсь — минь ладонттама марса, марстонь стройса, кода тя ульсь фалу. Кеман, XVII Сафаргалиевскяй лувоматне арайхть нинге фкя важнай аськолксокс Россиянь нароттнень национальнай эрекламань кисост».
Кафта шинь конференцияса примайхть участия 500 лама ломань Россиянь 13 регионцта. Ётксост Наукань Российскяй академиянь представительхне, наукань докторхне и кандидаттне, аспиранттне, учительхне, школьникне и стак тов.
Мероприятиять пингста ётафтовихть колма панельнай сессият: «Проблемы многонациональности и поликонфессиональности в региональном дискурсе», «Гражданственность и патриотизм в контексте российской истории», «Историческая память и информационное пространство как факторы формирования гражданственности и патриотизма современной молодёжи». Стане жа арьсефт кафта панельнай дискуссият - «Опыт работы с молодёжью России» и «Совеременная молодёжная политика в контексте исторического опыта».