Васендакиге сон ульсь Рождество-Богородичнай алянь монастырень газовай котельнайть тевс нолдамасонза. Мероприятиясь ётафтовсь Петербургскяй международнай газовай форумть рамкаса. Видеосвязть коряс церемониянь участникненди пшкядсть Российскяй Федерациянь Федеральнай Собраниянь Федерациянь Советть Председателец Валентина Матвиенко, РФ-нь энергетикань министрсь Николай Шульгинов, «Газпром» ПАО-нь Правлениять председателец Алексей Миллер, «Газпром межрегионгаз» ООО-ть генеральнай директороц Сергей Густов.
Мордовия Республикась стане жа лисендсь свзьс — региононь руководительсь Артём Здунов спасибась «Газпромти» стратегическяй партнёрстванкса. Республикаса газификациять уровенец арась 94 процент. Догазификациянь программать коряс газсь пачфтеви пцтай 5 тёжятть домохозяйствав.
Санаксарскяй монастырсь — всероссийскяй масштабонь обитель, культурнай наследиянь объект. Тя вастсь сотф странаньконь великай историянц и великай сяськондеманзон мархта — тяса ётафтозень эряфонь мекольце кизонзон аф сяськови адмиралсь, флотоньконь и республиканьконь святой покравителец Фёдор Ушаков. А тяни тя масторсь - «Арзамас-Дивеево-Саров» федеральнай паломническо-туристическяй оцю кластерть пяльксоц.
«Оцю спасиба историческяй питнишитнень и койхнень-обуцятнень ванфтоманкса — Мордовиянь эряйхнень, поломникнень и инжихнень, монастырень братиять эзда, сембонь минь эздонк», - мярьгсь Артём Здунов.
«Проектонь сембе участникненди и исполнительхненди — Божьяй благословения. Ванфтодязь Шкабавазсь», - мярьгсь Саранскяй и Мордовскяй митрополитсь Зиновий.
Лятфтасаськ, што Санаксарскяй монастырть газификацияц кепотьфоль Артём Здуновонь мархта, мзярда сон арась Мордовиянь Оцюнякс.
«Газификациянь ся уровенть пингста, кона минь ули тяни республикать (минь сувсетяма странань вете инь цебярь региоттнень лувксс), аф газифицировандамс тяфтама объектть, кода Санаксарскяй монастырсь, ульсь аф виде. Мон пшкядень «Газпром» ПАО-ти, и минь марса решандаськ тя задачать. Спасибан «Газпромти» ширень кирдеманкса», - мярьгсь Артём Здунов.
Мордовия Республикань Оцюнять пресс-службац