19 сентябрьста «Новости» РИА-ть площадкаса ётафтовсь пресс-конференция, конань пингста «Промомед» фармацевтическяй компаниясь азондсь сахарнай диабедть и куялгодомать пчкафтоманкса импортонь полафты препаратть российскяй рынкав лихтеманц колга. Тя «глутидонь» группань отечественнай васенце препаратсь, кона арьсеф омбоце типонь сахарнай диабет, вельф оцю сталма и куялгодома мархта ломаттнень пчкафтоманкса, а стане жа сердечно-сосудистай урматнень инголдаманкса.
Од линейкати сувсихть препаратт, конат лездыхть пяшкодемс ня средствань дефицитть, кона эвондась меля фкя и тяка производительть эзда пставкатнень лоткафтоманкса.
Презентациять пингста азфоль, што «Промомед» компаниясь нолясыне од препараттнень региоттнень эса эсь фармацевтическяй предприятиянзон мархта партнёрстваса, импортть полафтомста пяшкотькшнемок российскяй производительхнень внутренняй кооперацияснон кемокснеманц коряс задачат.
Пётр Белый, «Промомед» компаниятнень группаснон директоронь советонц председателец: «Биохимик» саранскяй заводсь — минь основной производственнай площадканьке, коса аноклаф сахарнай диабедть и куялгодомать пчкафтоманкса препаратсь. Октябрь ковть кучкаста ни сон поступай Российскяй
Федерациянь здравоохранениянь системати. Препаратсь ноляви Свердловскяй областьста «Медсинтез» заводть мархта сотрудничендазь. Тя межрегиональнай кооперациянь, индустриять потмоса лац ладяф марстонь тевонь вятемань пяк цебярь кепотькс — сембось сянкса, штоба обеспечендамс странать лекарственнай безопасностенц, а российскяй эрь пациентть инновационнай, высокоэффективнай и доступнай препаратса».
Куялгодомать пчкафтоманкса отечественнай препаратонь тиемась лама киза ни ащи приоритетнай направлениякс «Промомед» компаниять работаса. Кепотьксонди, Саранскяйса «Биохимик» АО-нь производственнай площадкасонза компаниясь 2019 кизоста сявомок ноляй препаратт, конат пяк лац няфтезь эсь пряснон, арасть «Инновационный продукт 2021» межлународнай премиянь сяськикс.
Препараттне водендафт сталмоть кирьфтаманцты и метаболическяй шумбрашить кемокстаманцты.
Эряви азомс, што саранскяй «Биохимиксь» - производствань пяшксе циклань фармацевтическяй инь оцю предприятиятнень ёткста фкясь. Предприятиять стратегическяй задачац — доступнай субстанциятнень сяда тов виияфнемасна и аньцек российскяй поставщикнень мархта работати ётамась.
Тяддень март ковста «Биохимикть» видеса торжественнайста панжевсь активнай фармацевтическяй субстанциянь производствась. Панжемань церемонияса примась участия РФ-нь Президентсь Владимир Путин.
7 сентябрьста государствань руководительть мархта васетькшнемстонза Мордовиянь Оцюнясь Артём Здунов азондсь регионца фармацевтикать виияфнеманц колга, а стане жа Мордовияса федеральнай биотехнологическяй центрань панжемать коряс платтнень квалма. «Нюрьхкяня пингста фармацевтикати нолдаф 16 миллиардта лама цалковай, сяда тов поладсаськ странать лекарственнай безопасностенц обеспечендакшнеманц», - пачфтезе Россиянь Президентти Артём Здунов.
Мордовия Республикань Оцюнять пресс-службац