9 июльста Владимир Волков корхтась 2018 кизоть васенце пялестонза Саранскяй телевизионнай заводть работанц колга предприятиять вятиенц Сергей Денисовонь мархта.
Генеральнай директорсь пачфтсь республикань Оцюняти сянь колга, што производствань объемтне и заводть продукциянц мишендемац тяддеть васенце пялестонза арасть 108 и 107 процент мелянь кизоть коряс. Стане жа мелять коряс 120 процентта кассь фкя рабочайть лангс выработкась. Средняй заработнай платась предприятияса - 28 тежянь цалковайда лама. Сергей Денисов азозе региононь вятити, што 2018-2019 кизотнень заказонь дополнительнай объемсь кармай 3миллиартт цалковайда лама.
Владимир Волков отмечазе, што аф ваномок «СТЗ-ть» заказса обеспечендаманц лангс, предприятияти ули коза касомс, шарфнемок башка мяль гражданскяй назначениянь продукциять нолнеманц лангс. Тя важна предприятиять финансовай стабильностенц ванфнеманкса и трудовой коллективть ванфтоманкса. Тяка пингть, Владимир Волков китькстазе, эряви нолнемс высокотехнологичнай гражданскяй продукция.
Васедемаса стане жа ульсть МР-нь Правительствать Председателенц васенце заместителец – экономикань, торговлянь и предпринимательствань министрсь Владимир Мазов и Мордовиянь Правительствать Председателенц заместителец – промышленностень, наукань и од технологиянь министрсь Александр Седов.
Мордовия Республикань Оцюнять пресс-службац