Ботевградскяйсь – Саранскяйса инь главнай сеттнень еткста фкясь, сонь квалмоц 342 метрада лама. Строяфоль седсь 1981 кизоня, тя пингста вестевок апак петнеколь. «Безопасные и качественные автомобильные дороги» нацпроектть рамкаса пяшкотьф ремонтнай работатне ушедовсть тяддень март ковть кучкаста. Капитальнайста петемати карьхцяфоль 441 миллион цалковай.
Артём Здунов ванозе одкстоптф седть, ётамок ялга эзганза – Саранскяй ульцять эзда сявомок Советскяй ульцяти молемс. «Мостострой» компаниянь-подрядчиконь главнай инженерсь Иван Сатаев азондсь ремонтнай работатнень колга, конат тифтольхть, а стане жа тяниень пингонь материалхнень квалма, конат ульсть нолдафт тевс. «Капремонтть пингста петьфтольхть нежетне, полафтфтольхть пролетнай строениятне, марнек одкстоптфоль проезжай пялькссь, ладяфт од перилат, тиф од освещения, путфт светофорхт. Тевс нолдавсть тяниень пингонь пяк кеме и цебярь качествань материалхне. Тяфта, перильнай перяфксне тифт композитнай пластикста, кона аф эряви архнемс. Тяда башка, путепровадть лангса тиф композитнай водоотводнай система, конанди аф пелькс коррозиясь, мезсь кувалгофтсы седть тевс нолямань пингонц. Проектировщикне и строительхне заботендасть экологиять колгавок: сембе шуди веттне седть лангста кармайхть тушендома очистной сооружениятненди и аньцек тяда меле ёрявихть».
«Минь примасаськ седть, тяни сон цебярь, автолюбительхненди ялга якайхненди ули кода нолямс сонь тевс. Подрядчиксь максси гарантия – 8 кизот. Кда эрявксты любой пингста можна пшкядемс афсатыкснень машфтоманкса», - азозе Мордовиянь Оцюнясь.
«Мостострой» ООО-ть генеральнай директороц Андрей Ташкаев азсь кемама, што автомобилисттнень мяльс седсь туй. «Сюкпря республикань руководствати и заказчикти прябалатнень решандамаса лезксонкса, тя лездсь шумордамс работатнень пингть апак тарксек», - мярьгсь сон.
Азсаськ, што Ботевградскяй седть петемда меле ули кода нолямс тевс 40 киза.
Мордовия Республикань Оцюнять пресс-службац