11-це февральста "Старт" стадионтть видеса ётась Высшай лигань командатнень ёткса эй лангса арнемань Россиянь Чемпионатть IV-це пяльксоц.
Чемпионатть ниле пяльксонь итогонзон коряс сяськикс арась Свердловскяй областень Каменск-Уральск ошень спортонь техническяй видонь Центрать командац. Омбоце вастса Московскяй областень В.М. Цыбровонь лемса спортивно-техническяй секциясь. Бронзать сатозе Московскяй областень "Красногорск" командась.
"Минь кянярдтяма, што аф кадонцамасть вниманияфтома!",- сюкунясь сембе ваныхненди, чемпион-командань спортсменсь Никита Тарасов.
Клупне-сяськихне васедихть 2024-це кизонь Россиянь Кубкань команднай финалса.