Подряднай организациясь, «Перспектива» ООО-сь, кярьмодсь работатненди 2022 кизонь августста. 60 тёжяньда лама кубометра илистай отложения урядафоль ляйть эзда, шудема вастоц ароптф кусторкснень-меснень эзда.
«Тяни ляйть арушиц ащи минь и тинь эздонк, Саранскяень и Мордовиянь кельгома ломатть. Октябрь ковть ушетксста Минлесхозсь марса ошень Администрациять мархта ётафтсть ляйть лангса субботник. Ляй трватнень видева кочкафоль 250 кяскав карьхч, а ляйть эзда таргафоль 45 ташта автомобильнай покрышка. Ару аф тоса, коса урятцихть, а тоса, коса аф карьхчендайхть!» - мярьгсь вирень, охотничьяй хозяйствань и природопользованиянь министрсь Адель Галиуллин.
Ароптомда меле ляйть эса цебярьгоды ведть качествац, кири перьфпяльти и ломаттнень шумбрашиснонды ведть мархта кальдявонь тиемась.