Режиссерсь Дмитрий Павлов тись уникальнай спектакля, коса аш персонашт, но тяка пингть эздост пяк лама — и эрьть эса кайги Дагестанть вайгялец, сонь кунардонь пингонь историяц. Асу актёрхненди XX веконь великай классикти ваныхне цяпасть стяда ащезь!
Тя илядня залса ульсть Мордовиянь Оцюнясь Артём Здунов и Александирнскяй театрать директороц Сергей Емельянов.
«Тя афкуксонь казне Мордовиянь ваныхненди, конатненди, Национальнай театратнень фестивальснон вельде эрь илядня ули кода содафтомс странань эрь-кодама региоттнень культураснон мархта. И ся, што Расул Гамзатовонь 100 кизонь топодеманц кизоста минь примаськ Лакскяй театрать великай поэтть произведениянц коряс спектаклять мархта — республикати оцю честь!» - мярьгсь Артём Здунов.
Сергей Емельянов стане жа отмечазе уникальнай возможностть, конань фестивальсь максозе саранскяй зрительти.
«Театральная осень» Россиянь национальнай театратнень всероссийскяй фестивальсна ётафтови РФ-нь Культурань министерствать ширень кирдеманц пингста, организаторсь - «Балтийский дом» театрась-фестивальсь (Санкт-Петербургсь).
Мордовия Республикань Оцюнять пресс-службац