РФ-нь Президентсь Владимир Путин максозе «Доброволец России-2017» премиять «Волонтер года» номинацияса 32 кизоса Максим Токаревонди. «Социальнай и медицинскяй лезкссь» номинацияса Мордовияса социально-зничимай урматнень профилактикаснон коряс проектть лангса работанкса сяськихнень лувксс лиссь Саранскяйста 21 кизоса Алена Потапова. Мелянь декабрьста сон лиссь сяськикс «Волонтер года» республиканскяй конкурсса медицинскяй ширеть коряс.
Алена Потапова тонафни 5 курсса Н.П.Огаревонь лемса МГУ-нь Медицинскяй институтса «Лечебное дело» специальностьс коре. Сон автор ВИЧ-инфекциятнень профилактикаснон коряс проектти, кона етафневи эряфс 2016 кизонь ноябрь ковста сявомок. Проектть рамкаса волонтерхне етафтсть кафта всероссийскяй акцият, пцтай 140 региональнай акция школатнень, ссуснень эса, университетса, Республиканскяй СПИД-центрать ширень кирдеманц вельде. Алена вятьсы «Волонтеры-медики» здравоохранениянь сфераса доброволецень Всероссийскяй общественнай движениять региональнай отделениянц. Сон – 2018 кизонь футболть коряс миронь чемпионатонь волонтеронди кандидат.
Азсаськ, што доброволецень IV Всероссийскяй форумонь участникокс, кона етась 4-6 декабрьста Москуса, арасть волонтерхне и добровольческяй движениянь организаторхне Россиянь сембе региоттнень эзда.
Башка оцю значения мероприятияти макссь ся фактсь, што пингстонза Владимир Путин пачфтезе, што кочкаматнень эса участвондаманц колга решениять азсы маластонь пингть.