Мероприятияса примасть участия 8-11 классонь 50 стирня и цёраня. Содаф теннисистсь азондсь эсь карьеранц колга, пачфтезе, мезьса теннистть стаканза-сталмонза и азозе спортонь видть, конань мархта эряви занцемс пря ракеткать кядезот сявомда инголе.
Великай спортсменць и тренерсь стане жа азозе, кода эвондась тенниснай спортти кельгомац. Шамиль Анвярович сась теннисти футболть вельде – тенниснай секцияса, коса сон занцесь пря, занятиятнень шумордамда меле спортсметтне налхксесть футболса. Меле спортонь тя видсь арась российскяй теннисисттненди тренировочнай процессть эса аф явфтови пяльксокс.
«Пара мяльса кулхцондоськ Шамиль Анвяровичень, ульсь интересна содамс эряфонц колга, целайнек теннисть квалма. Тенниса пря аф занцян, но ули мялезе варжамс вийнень спортонь тя видса, - азозь школьникне.
Лятфтасаськ, Саранскяйса работай региональнай тенниснай центра, кона каннесы Шамиль Тарпищевонь лемонц. Тяса сидеста ётафневихть всероссийскяй пялькстомат и ведущай специалисттнень и теннисисттнень мастер-классна.