Мордовиянь населениять социальнай ширде араламанц коряс органонь кельгома работникт и ветератт! Седи ваксста поздравляндатядязь тинь профессиональнай илантень – Социальнай работниконь шить мархта!
Социальнай работниксь – тя профессия, кона нажятькшни милоссердиянь, фкя-фкянди лезнемань лама веконь российскяй койхненди-обуцятненди. Тинь работатада сятнень мархта, кинди лиятнень коряс сяда пяк эряви обществать лезксоц: эряфкшу ломаттнень, инвалиттнень, иттнень мархта, конат повсть эряфонь палас. И эрьти еткстост тинь макссесасть ваймонтень пяльксканц.
Тинь цебярь профессиональнай и личнай качестванте сядонга лац няевихть тячи, мзярда минь сембе марса тюрьхтяма коронавируснай инфекциять келемоманц каршес. Социальнай работникне путнихть тя тюремати башка путкс, эрь шиня сашендомок лезкс мархта сятненди, кинди тяп як эряви.
Пара азомс, што тинь профессиясонт аш васта ответственностень апак маряк ащемати, озадонь седихть лядондомати, сяс мес социальнай гарантиятнень пяшкотькшнемаснон эзда ламода ащи ломаттнень прянь марямасна, эряфснон качествац, государствати синь верондамасна.
Примасть спасибамань валхнень трудонтень, ляпе седиентень инкса. Кеман, што тинь фалу карматада ванфнемонза оцю профессионализмантень, ломаттненди кельгомантень.
Седи ваксста арьсян теенть, тинь мала и радня ломанентенди шумбраши, паваз, цебярь эряф и сатфкст!
Мордовия Республикань Оцюнясь В.Д.Волков