Итоговай коллегиянь участникненди шумбракстомань валхт азсь од ломанень тефнень коряс Федеральнай агенствать вятиенц полафтыец Дамир Фаттахов. Сон азозе: Мордовиясь ламода кассь од ломанень политикань сфераса. Республикась – фкясь региоттнень эзда, кона омбоце кизось ряцок получась лезкс «Регион для молодых» федеральнай программать коряс – тя пцтай 200 миллион цалковай. «Мордовиясь моли инголи! Мольхтяма фкя курсса! Сюконятама Мордовиянь Оцюняти и Госкомитетонь сембе командати. Ялгат, тяфта и сяда тов!», - мярьгсь Дамир Фаттахов.
«Россия – страна возможностей» АНО-нь генеральнай директорть полафтыец Дмитрий Гужель азондсь федеральнай платформать и республиканьконь мархта кеме сотксснон колга: эряфс нолявихть лама эрь кодама проектта – сембе синь максыхть оцю возможностть регионцонк эрь од ломанти. Вете кизоста Мордовияса эряй 150 тёжянь од ломанць примась участия проектса и платформань ня пялькстомаса, тиф целай экосистема, касы-виияй компетенциянь оценкань максы Центрась.
«Мокшэрзянь од ломанень сообществась цебярьдонга цебярь! Регионць сувси васенцетнень ёткс», - китькстазе Дмитрий Гужель.
Мордовияса волонтёрскяй тефнень эса заняф пцтай 60 тёжянь ломань. Республикась занцесы омбоце вастть добровольчествать касфтомаса-виияфтомаса региононь группаса, коса эряйхнень лувкссна сатни 1 миллион ломанень самс. Тифт кафта Добро. Центрада, улихть перспективат – 12 заявка нолдаф тевс. Покоди «Волонтёры Победы» Сембе Россиянь общественнай движениянь 19 муниципальнай отделенияда – тя 7500 участник.
Од ломанень тефнень коряс Госкомитетонь Председательсь Анастасия Гришнева эсь докладсонза пачфтезе: республикань од ломанень движениять инь эрявикс задачац – сатомс поколениятнень ёткса крхка и козя преемственность, снярда од ломаттнень смелшисна и эрьгясна кармайхть шарфтфт Россиять сай пингонцты, кармай оцю путкссна странать кемошинц лангс.
Опроснень лангс ванозь, миньцонк од ломаттнень пяшкотьфт мяльсна ётафневи од ломанень политикать мархта, кассь ломаттнень лувкссна, конат аф ёрайхть кадомс шачема вастснон. Тянь мархта ламотне мезевок аф содайхть максф возможносттнень колга. Анастасия Гришнева азозе: штоба машфтомс тя аф сатыксть, тиф «Навигатор возможностей» региональнай единай порталсь.
«Регион для молодых» программать лезксонц вельде аделавсь республиканскяй од ломанень Кудть васенце этапонц строямац. Тядде арьсекшневи ётафтомс эрявикс работат пяшксе объёмса. Госкомитетть работаса васенце вастса ащихть – гражданско-патриотическяй и духовно-нравственнай воспитаниясь. Тя работась мольфтеви марса Мокшэрзянь епархиять и мусульматтнень Духовнай управленияснон мархта.
Од ломанень сфераса афкуксонь лидерхне – васенцетнень Движениясна, кона кизоста фатязе марнек республикать. Башка работа вятеви стака од ломаттнень мархта – Движенияв сувси 250-да лама тяфтама ломань. Тяса теест лездыхть и безопасностть и психологическяй лезксонь максы информационнй центратне.
Кели аськолкс тиевсь грантовай деятельностьса – сяськф 121 проектса, синь марстонь суммасна сатсь 180 миллион цалковай, мезсь кассь нилексть ётай кизоннеть коряс. Республикаса пуроптф специализированнай центра, коса ванондовихть грантонди максф заявкатне.
2024 кизоня, кона азф Семьянь кизокс, од ломанень тефнень коряс Госкомитетсь арьсекшни сядонга пяк шарфтомс ванфонц семьянь ценностнень кемокстамаснон лангс: виияфтови работась од семьятнень мархта. Тячиень шить регионца покоди семьянь 21 клуб, тядде панжеви семьянь коворкинг. Студотряттнень 65 кизонь топодемаснонды арьсекшневи ётафтомс лама эрь кодама мероприятияда.
Анастасия Гришнева корхтаманц аделазе Мордовиянь Оцюняти сюконямань валса. «Мордовиясь – од ломанень регион, минь марятама тянкса оцю кенярдема!» - азозе сон.
Аф совершеннолетняйхнень и синь тядяснон-аляснон мархта межведомственнай работатнень профилактикань прянь вятемать коряс пачфтсь МР-нь МВД-нь марстонь порядкань охранать полициянь начальникть полафтыец Владислав Пинаев.
Госкомитетть видеса покоди од ломанень Советонь Членць, АФ «Рузхиммашень» финанснень коряс экономистсь Регина Пиногорова азондсь предприятияса вятеви тефнень колга, конат сотфт од специалисттненди лезксонь максомать мархта. Стане жа кулхцонтфт од семьятнень мархта цебярьста ётафтф практикатнень и Мокшэрзянь землячествать од ломанень крыласнон коряс доклаттне.
Саранскяень и Мокшэрзянь митрополисть Зиновий китькстазе: сембе эряфсь пачфти духовно-нравственнай питнишить кемокстаманцты и кеподеманцты: «Карматама касфтомонза кемамать ушетксонц, макстама од эряф скрепненди. Минь пуроптсаськ марстонь виеньконь и ванфтсаськ од ломаттнень кальдявшида».
Республикань Оцюнясь макссь оцю питне регионца од ломанень политикать вятеманцты, тяшкстазе:
«Минь ащетяма федеральнай повесткаса, Мордовиять содасазь, Мордовиять ширенц кирдьсазь. Од ломаттнень тевснон коряс Государственнай комитетсь арась республикань властть ёткса фкя инь одкс. Аф ваномок тянь лангс, кафта кизоста шарфтфоль оцю мяль тя деятельностть касфтоманц-виияфтоманц и од ломанень инициативатнень лангс, коза сатсь пяле миллиард цалковай федеральнай ярмакста».
Инголе оцю ила – од ломанень Всемирнай фестивальсь, кона ётай странасонк Россиянь Президентть лезксонц вельде мартста. Арьсеф ётафтомс «Жить и работать в России» лем ала региональнай фестиваль, од ломанень тефнень коряс Федеральнай агенствать лезксонц вельде Мордовиясь примай од предпринимательхть Китайста. Стане жа Республикаса ётай «Ялганза» лем ала од ломанень форум, конань видеса ётафтови Росмолодёжень грантовай пялькстомась. Артём Здунов путсь задача: келептемс межрегиональнай соткснень и максомс марстонь заявкат региоттнень мархта федеральнай пялькстомас – тяса минь сай пингоньке.
Республикаса касы-виияй од ломанень центратнень сетьсна: вятеви республиканскяй Од ломанень Кудть петемац, мельганза ащи Рузаевскяй районць. Арьсекшневи пуроптомс тяфтама муниципальнай центрат Дубёнскяй и Чамзинскяй районца. Республикань Оцюнясь китькстазе: муниципальнай райононь сембе оцюнятне должны келептемс работать грантовай конкурсс зявкатнень анокламаснон мархта. Лезксонь максыкс тя тевса кармай од ломанень тефнень коряс Госкомитетсь. Тяда башка, оцю мяль шарфтома велень од ломанень Российскяй союзонь соткснень лангс – мзярс тянь ширде улихть афсатыкст. Стане жа ванома гражданскяй и патриотическяй воспитаниянь Республиканскяй центрать зданиянц мархта сотф кизефкссь, федеральнай программать коряс ётафтома капитальнай ремонт.
Фкя инь эрявикс задачась, конань путозе Артём Здунов, - сяда лацкас покодемс ся од ломаттнень мархта, конат ащихть ширеса республикаса ётни общественнай процесснень эзда, ётафнемс кальдявста прянь вятемать коряс профилактическяй работат школаса тонафнихнень мархта: «Тя минь инь эрявикс задачаньке – шарфтомс синь мяльснон созидательнай процессненди, тонафтомс синь. Синь нолдамс аш кода! Синь аф няевихть. Мезьса синь заняфт? Кие синь тонафтысна? Тяфтама задачат и путнемат и сёрматкшнемат тянь колга грантт. Аф эряви пелемс стака темада! Тячи од ломаттне семботь сявондьсазь Интернетста. Тя максы кода возможностть, стане и аф содаф пелькст».
Ётай кизоть республикаса тиф покоди од ломанень Совет. Тянь сюнеда Мордовиянь Оцюнясь макссь сяда крхка работа тя направлениять коряс – тя эряви общереспубликанскяй кадровай повестакти. Сон пшкядсь
МР-нь Оцюнять Администрациянц и МР-нь Правительтвать руководителенцты Булат Хайрутдиновонди – тядде эряви одукс нолдамс «Моя Мордовия» кадровай конкурсть. «Од ломаненьконь сатфкссна – тя тейнек драйвер! Содаса, марса минь саттама сядонга оцю сатфкст!» - азозе Артём Здунов.
Коллегиять пингста стане жа казевсть ётай кизонь итокнень коряс од ломанень политикань сфераса муниципальнай райононь конкурсса сяськихне и призёрхне. Гран-прить сатозе Мордовиянь Рузаевскяй районць.
Мордовия Республикань Оцюнять пресс-службац