Олег Скуфинскяй китькстазе, что программань реализациянь сембе показательхнень регионць перевыполняндазень. «Тя корхтай сянь колга, што регионца кочкаф цебярь управленческяй команда»,- китькстазе Росреестрать руководителец.
«РФ Президентть путфт задачанзон решениясна шарфтфт странать и сембе региоттнень социально-экономическяй касомаснонды»,-китькстазе Артём Здунов. – Этай кизоть тинь кирдемантень вельде пространственнай даннаень национальнай системать тевснолдаманц коряс Мордрвиясь сувась пилотнай региоттнень ёткс, минь примаськ тя вызовть, араме 31-це пилотнай проектокс. Васенце погодема ковтькиге 31-це рейтинговай вастста минь куцема 16-це вастти. Пространственнай даннаень коряс национальнай системать мархта интеграциянди кочкафт региональнай кафта информационнай системат - "РМ-нь агропромышленнай комплексонь вятемань геоаналитическяй центра" и "РМ-нь инвестиционнай карта". Ули показателень цебярьгофтоманди резервоньке. 18-це декабрьста нолдаськ тевс государственнай информационнай градостроительнай тевонь вятемать коряс системать" Республикать оцюняц китькстазе, што границатнень,лесничестватнень, ваяма васттнень сувафтомаснон коряс показательсь тиф 100 %
Мольфтеви покодема инвенторизациять коряс. Республикась сувафтф общефедеральнай повесткас кадастровай работнень ётафтомаса – сявф 142 тежянь объект.
Тядде арьсеви покодемс 60 тежяньда аф кржа недвижимостень объект. Республикать эряенза оцю мяль вельде ваныхть тя работать мельге - местнай самоуправлениянь оргаттненди сашендыхть ломаттнень эзда эняльдемат ётафтомс комплекснай кадастровай покодемат, уточняндамс участкаснон границаснон.
РМ-нь земельнай и имущественнай Министерствать покодемань итогонзон колга азонць министрсь Андрей Мищенко. Сон китькстазе, што аф лоткси покодемась залогста транспортть сявоманц коряс. Кафта киза ёткста пцтай 200 техникань единица ланг ульсь селкф залогсь. 2023 кизоня муниципальнай райононь и городской округ Саранскть собственностсь ульсь максф 50 техникань единица. Тячиень шити 30 единица приватизировандав, 60 – ащихть приватизациянь процезса. «Покодемась тя кизефксть эса моли сяда тов. Тяниень пингть эрь кодама судебнай инстанцияс максфт искт техникань 15 единицитнень залогснон лоткафтомаснон коряс».- китькстазе министрсь.
Росреестрань региональнай управлениянь руководительсь Светлана Балескова азондсь «Пространственнай даннаень национальнай система» госпрограммать вятеманц колга.
Тяфта жа коллегияса ульсь серматфтф соглашения РМ-нь земельнай и имущественнай отношениянь министерствать и Н.П. Огарёвонь лемса МГУ-ть ёткса пространственнай даннаенень анализонь ширеса марстонь покодемать коряс.
Мордовия Республикань Оцюнять пресс-службац