Великай святиндамань чинть ётафтозе Москувонь и сембе Русень Патриархсь Кирилл. Божественнай литургияда меле ульсь Святейшай Патриархть и Мордовиянь Оцюнять Артём Здуновонь рабочай васедемасна.
Корхтафоль Мордовиять территорияса православнай храпнень сяда тов эреклафнемаснон колга. Тяфта, корхтамась мольфтевсь федеральнай значениянь культурнай наследиянь объектть — Санаксарскяй монастырть, а стане жа Трехсвятительскяй церькавть, кона строяфоль 1761 кизоня, и конань зданияса сизьгемоньда лама киза ульсь краеведческяй музейсь, петемаснон квалма. Тяддень тунданя Мордовиянь Оцюнять решениянц мархта зданиясь питнефтома максфоль Русскяй Православнай Церькавонь Саранскяй и Мордовскяй епархияти.
Башка мяль васедемаса шарфтфоль од ломаттнень духовно-нравственнай воспитанияснон колга. Артём Здунов пачфтсь Святейшай Патриархти Мордовия Республикань Оцюнять видеса православнай культурать виияфнеманц коряс общественнай Советть заседаниянц, кона ульсь ётай недялять Саранскяйса, итогонзон квалма. Васедемаса примась участия Саранскяй и Мордовскяй митрополитсь Зиновий.
Мордовия Республикань Оцюнять пресс-службац