Мордовия Республикать эзга Оперативнай штабсь лятфнесы, што 2017 кизонь 15 майста сявомок 24 майти молемс Саранск ошса етафтовихть плановай антитеррористическяй тонафнемат. Мероприятиятненди водендафт правоохранительнай оргаттнень и специальнай службатнень оперативнай вийсна и средствасна, конат решандакшнесазь террористическяй акттненди кить персеманц коряс задачатнень.
18 майста Саранскяень машина кинь вокзалса етафтфоль учебнай мероприятия условнай террористическяй актть кадфксонзон кирьфтамаснон и машфтомаснон коряс. Тянкса мзярошка пингс сталгофтфоль тя районца транспортть арнемац. Оперативнай штабсь эняльди эряйхненди шарьхкодезь малаткшнемс тянди.