8 апрельста Мордовия Республикань Оцюнясь Владимир Волков васетькшнесь Саранскяй и Мордовскяй митрополитть Зиновиень мархта.
Васедемать пингста корхтафоль республикаса духовнай образованиять сяда товолдонь виияфнеманц колга, тяконь лувкссот кизефксне, конат сотфт Саранскяй духовнай училищать семинариякс лемдеманц мархта. Владимир Волков нинге весть китькстазе Мордовияса духовнай образованиять виияфнеманц, сай пингонь пастырьхнень анокламаснон эрявиксшинц. «Светскяй и духовнай властть задачасна – козякофтомс сай пингонь семинариять потмоширде, штоба храпненди, прихоттненди сашендольхть священникт, конат арайхть традиционнай христианскяй добродетельхнень эряфс вятикс», - азозе Владимир Волков.
Мордовиянь Оцюнясь тага весть азозе, што республикась кирнесы митрополиять ширенц и кармай макссема сембе ширдень лезкс Саранскяйса Россиянь духовнай центратнень эзда фкять панжемаса, штоба аноклакшнемс профессиональнай священникт аф аньцек эстейнек, но и лия региоттненди. Архиерейсь азсь региононь вятити благодарностень валхт ся вийхнень инкса, конатнень сон путнесыне Мордовиянь эряйхнень духовно-нравственнай просвещенияснон коряс тевти.
Мордовия Республикань Оцюнять Пресс-службац