Сберть павильоноц арась площадкакс регионть, сонь культуранц мархта содафтома площадкакс. Павильононь инжихненди ульсь кода заказамс лятфтнембяленди уникальнай дизайна мархта моментальнай карта, конань лангса няфтьфт регионть достопримечательностенза. Сембода оцюволь вешфкссь «Мордовия — Арена» стадионть и келаськять — Мордовиять символонц мархта картатненди.
Лекториянь зонаса ульсь васедема М.Е.Евсевьевонь лемса Мордовскяй педагогическяй институтонь студенттнень и кибербезопасностть коряс Сберть экспертонзон васедемасна.
Павильонть ванозе Мордовиянь Оцюнясь Артём Здунов. Регионть командац содафтсь банкть тяниень пингонь технологиянзон, а стане жа сонь историянц мархта.
Кемокстафтольхть сотрудничендамать колга кафта соглашеният Мордовия Республикать и Сберть ёткса.
«Минь вяттяма марстонь тефт аф аньцек финансово-экономическяй сфераса, инновационнай технологиятнень виияфнемасост, но и образованияса, медицинаса. Минь лезнетяма фкя-фкянди тиендемс условият республикань ломаттнень эряфснон цебярьгофнеманкса, Сай кизоня минь кярьмоттяма оцю проекттнень эряфс ётафтомаснонды, конатнень коряс тиеви реконструкция Фонтаннай спускти, а стане жа Тысячелетиянь фонтантти и площадти», - азозе Артём Здунов.
Сберть Волго-Вятскяй банконц председателец Петр Колтыпин китькстазе: «Мордовиять и Сберть пуропнесыне марс лама кизонь ялгаксшись и несколька проектсь. Минь сяда тов сувафнесаськ тевс цифровой технологиятнень. Арьсекшнетяма кирдемс республикать ширенц телемедицинаса. Кеман, што пациенттнень дистанционнай мониторингсна лезды кирьфтамс регионца сярядихнень лувксснон и кувалгофтомс активнай долголетиять».
Мордовия Республикань Оцюнять пресс-службац