7-це февральста Правительствань председательсь Михаил Мишустин сёрматфтсь распоряжения организациятнень, конат кочкафт инь цебярькс качествань ширеса и бизнес-процесснень цебярьста тевснолдамаснон эса, каземаснон коряс.
2023-це кизоть коряс качествань ширеса Российскяй Федерациянь Правительствань премиянь лауреатокс арасть 12 организация. Синь ётксост "ВКМ-Стальсь".
"Седиваксста поздравляндаса "ВКМ-Стальть" Россиянь Правительствань Премиянь сяськомаса! Профессионализмань инь оцю тёкшень сатома. Аф васенце кизось предприятиясь моли инголи вагоннай литьёнь оцю производстваса. Тяса покодихть 2,5 тежят малава ломань. Продуециясь келиста ноляви тевс, сяськовихть од рынкатне. Кеман, што тя аф мекольце сяськомась. Сембе покодихненди и производствань ветераттненди шумбраши и уцяска!", - китькстазе Мордовиять Оцюняц Артём Здунов.