Владимир Пучков етафтозе Саранскяйса чрезвычайнай ситуациятнень машфтомаснон и теест кинь персемать коряс Правительственнай комиссиять рабочай группанц заседаниянц

Владимир Пучков етафтозе Саранскяйса чрезвычайнай ситуациятнень машфтомаснон и теест кинь персемать коряс Правительственнай комиссиять рабочай группанц заседаниянц

Пяденцяста, 10 ноябрьста, Россиянь МЧС-ть оцюняц Владимир Пучков Саранскяйса етафтозе чрезвычайнай ситуациятнень машфтомаснон и теест кинь персемать коряс Правительственнай комиссиять рабочай группанц заседаниянц. Мероприятияса примась участия Мордовиянь Оцюнясь Владимир Волков.

Совещаниять пингста корхтафоль территориальнай МЧС-ть сяда товолдонь виияфнеманц, федеральнай службатнень и структуратнень еткса, конат работайхть чрезвычайнай ситуациянь машфтомань и теест кинь персемань единай государственнай системать рамкаса, марстонь работань ладямать, управлениянь сембе оргаттнень работаснон виияфнемаснон, конат работайхть кризиснай ситуацияса управлениянь центрать эгиданц ала, кона тяконь лувксса панчф Мордовияса, а стане жа законодательнай базать цебярьгофнеманц колга.

«Марстонь работаньконь целец – сяда тов цебярьгофнемс-виияфнемс республикань населениять безопасностенц обеспечендаманц коряс работать, тиендемс условият социальнай, экономическяй, инфраструктурнай и лия проекттнень эряфс етафнеманкса. А стане жа касфтомс пожарно-спасательнай подразделениятнень и лия службатнень анокшиснон, конат мирнай пингста пяшкотькшнихть боевой задачат пожархнень матномаснон, чрезвычайнай ситуациятнень машфнемаснон коряс, макссихть лезкс граждаттненди», - мярьгсь Владимир Пучков.

Россиянь МЧС-ть и лацонза республикань службатнень марстонь работасна максси возможность решандакшнемс лама задача, конат сотфт населениять

гражданскяй аралафшинц обеспечендаманц мархта, тяконь лувксса и мундиальти анокламась, мзярда эряви улемс анококс семботи.

Владимир Волковонь валонзон коряс, 2018 кизонь футболть коряс миронь чемпионатти анокламста етафтови эсь лацонь строительнай программа, коса эрь объектсь строяви МЧС-ть участиянц мархта. Сембе работатне мольфтевихть ладяф графикс коре и эсь пингстонза.

«Республикаса цебярьгофневи материально-техническяй базась, мезенкса ули мяль азомс благодарностень валхт ведомствань руководствати и лична Владимир Андреевич Пучковонди. Россиянь МЧС-сь тиендьсы семботь, штоба тя работась улель лац аноклаф. Кеман, чрезвычайнай ситуациятнень эзда республиканьконь аралафшиц должен лисемс сядовок цебярь од уровеньц», - отмечазе Мордовиянь Оцюнясь.

Мордовия Республикань Оцюнять пресс-службац