Эстеенза главнай задачакс Путин азозе Россиять суверенитетонц кемокснеманц:
«Мон корхнень тянь колга ламоксть ни, но аф грех азомс тага весть. Тяфтама странати, кода Россиясь, эрямс суверенитетфтома аш кода, сон аф кармай. Сяс главнайсь — суверенитетть кемокснемац».
Прямой линиять пингста Владимир Путинонди пшкядсь «Мордовия» ГТРК-нь корреспондентсь Анастасия Видяева. Журналистсь тердезе Президентть ВДНХ-са республикать экспозициянц ванома и отмечазе, што эряйхнень 97 процентсна маряйхть гордость «Россия» форумть-выставкать ваномста.
Владимир Путин согласиндась мархтонза.
«Мордовиясь афкукс пяк мазы регион. Монь мялезон. Кода ломаттне малаткшнихть эсь традицияснонды, культураснонды», - мярьгсь государствань оцюнясь.
Международнай и экономическяй кизефкста башка Президентсь корхтась социально значимай тематнень коряс.
Президентсь спасибась россияниттненди сянкса, што синь тяфтаа лямбоста малаткшнихть фронтть вешфксонзонды. Странань эряйхне тисть 10 миллиартта лама пожертвования.
Российскяй лидерть пресс-секретарец Дмитрий Песков азозе, што Общероссийскяй народнай фронтонь представительхне ванцазь сембе пшкядематнень, конат поступасть Владимир Путинонь мархта прямой линияв.
Фото: http://www.kremlin.ru