Москуса 19 сентябрьста Мордовиянь Правительствать Председателец Владимир Сушков васетькшнесь Россиянь цифровой касондомань-вииякшнемань,связень и массовай коммуникациянь министрть Константин Носковонь мархта. Васедемаса корхтафоль «Цифровое государственное управление» федеральнай проектонь участникнень лувксс минь региононьконь сувафтоманц и «Цифровая экономика Российской Федерации» национальнай программань федеральнай проекттнень региональнай пяльксснон ширеснон кирнеманц колга.
Стане жа ванфоль «Информационная безопасность» федеральнай проектть рамкаса властень региональнай оргаттненди и местнай самоуправлениянь оргаттненди информациянь араламань средствань отечественнай разработкатнень сувафнемаснон коряс пилотнай региоттнень лувксс Мордовиять сувафтомац.
Участникне корхтасть республикаса государственнай властень оргаттнень, местнай самоуправлениянь оргаттнень и подведомственнай организациятнень даннайснон макссемаснон коряс единай сетть пуроптоманц колга, мезсь лезды решандамс здравоохранениянь, образованиянь, населениять социальнай араламань систематнень цифровизацияснон мархта сотф кизефкснень решандамаса.
Сяда крхкаста ня кизефксне ванфтольхть Россиянь цифровой касондомань-вииякшнемань, связень и массовай коммуникациянь министрть заместителенц Алексей Соколовонь мархта.
Тяка шиня Владимир Сушков, Мордовиянь Оцюнять Владимир Волковонь поручениянц коряс, васетькшнесь Россиянь спортонь министрть заместителенц Паевл Новиковонь мархта. Корхтамась мольфтевсь Мордовияса футболть коряс миронь чемпионатонь наследиять концепциянц эряфс етафнеманц, универсальнай залть строяманц шумордаманц и легкай атлетикать коряс олимпийскяй резервань Спортивнай школать стадиононц лангса тренировочнай площадкать реконструкциянц колга.