Владимир Волков: «37 вайгяльбе региональнай и местнай ки строяви Мордовияса 2017 кизоня»

Владимир Волков: «37 вайгяльбе региональнай и местнай ки строяви Мордовияса 2017 кизоня»

Мордовия Республикань Оцюнять нюрьхкяня пингс тевонзон тиендисна Владимир Волков 23 майста етафтсь рабочай васедема «Ельниковская ДСПМК» предприятиять генеральнай директоронц Григорий Самолькинонь мархта. Корхтамась мольфтевсь республикань райоттнень эса кинь строямать коряс задачать пяшкотькшнеманц колга.

Владимир Волков китькстазе, што китне – тя фкя инь васенце кизефкссь Мордовиянь кочкайхнень, а васендакиге велень ломаттнень, наказснон эса. Сяс тянь лангс шарфнема башка мяль. Тядде кинь строяманкса федеральнай центрась максы Мордовияти кафтонь-крда сяда лама средства 2016 кизоть коряс. Аф кржа средства ладяф тянкса и республиканскяй бюджетса.

Сави петемс и строямс 37 вайгяльбе региональнай и местнай ки. « Строямань задачась эряви пяшкодемс качественнайста и педа-пес, - мярьгсь Владимир Волков. – Тейнек аш кода юкснемс, што именна китнень эзда ащихть регионть колга васенце мяльхне-арьсематне, китне корхтайхть цивилизациянь и обществать благополучиянц уровеньцнон колга. Тя территориять имиджец».

Рабочай васедемать пингста стане жа шарфтфоль мяль ки лангонь работатнень качестваснон касфнеманцты, тяниень пингонь технологиятнень и материалхнень тевс нолнемаснонды.

Мордовия Республикань Оцюнять Пресс-службац