Владимир Волков: «Биохимик» заводса производственнай мощносттнень касфнемасна – фкя инь васенцесь республикать промышленностьса»

Владимир Волков: «Биохимик» заводса производственнай мощносттнень касфнемасна – фкя инь васенцесь республикать промышленностьса»

Мордовиянь Оцюнясь Владимир Волков етафтсь рабочай васедема «ПРОМОМЕД» УК-нь ООО-нь директоронь Советть председателенц Петр Белаень, «Биохимик» АО-ть руководстванц и предприятиять стратегическяй партнеронц – «Бистерфельд Интернэшнл» компаниять генеральнай директоронц Фрэнк Дирксонь мархта. Васедемаса стане жа ульсть промышленностень, наукань и од технологиянь министрсь Александр Седов.

Франк Диркс азондсь Владимир Волковонди республикань фкя инь сире предприятиять – «Биохимик» заводть мархта кунардонь сотрудничендамаснон колга. Тяка пингть сон отмечазе, предприятиять тячиень сатфксонза – тя пяк оцю аськолкс инголи. «Монь дивандафтомань высокотехнологичнай оборудованиясь, конань няине предприятияса, тяниень пингонь технологиятне и лац аноклаф, высокопрофессиональнай кадратне. Шарьхкотьф, мес заводть работань результатонзонды макссеви оценка инь оцю уровеньца. Васенцеда странать историяса тяса ладяф антибиотиконь эсь лацонь производствась: штамм-продуцентть эзда сявомок анок фармацевтическяй субстанциятненди молемс. Тя пяк цебярь работань результат, тяконь лувксса промышленнай холдингть и властть марстонь работаснон коряс!» - мярьгсь инжись.

Васедемаса корхтафоль «Бистерфельд Интернэшнл» компаниять и «Биохимик» АО-ть сяда товолдонь сотрудничендамаснон колга. Республикань Оцюнясь китькстазе, што «Биохимикса» производственнай мощносттнень каснемац, эсь лекарственнай препараттнень нолнемасна и, кода следствия, российскяй фармацевтическяй промышленностть импортнайть эзда ащеманц кирьфтамац – фкя инь васенцесь республикань промышленнай секторть виияфнемаса.

Корхнемста Фрэнк Диркс азозень эсь мялензон-арьсеманзон Саранскяень од эаропортовай комплексть коряс. Инжись сась Мордовиять столицас аэропортть реконструкцияда меле васенце рейсса, кона пяшкотьфоль «Победа» авиакомпаниять мархта 14 февральста. «Аэропортсь тяниень пингонне, обслуживаниясь эсонз шарфты европейскяйть лангс!» - тяфтама оценка макссь немецкяй бизнесменць Саранскяйть 2018 кизонь футболть коряс миронь чемпионатти анокламанц фкя инь васенце объктонцты.

Мордовия Республикань Оцюнять пресс-службац