Мордовия Республикань Оцюнять аф лама пингс тевонзон тиендисна Владимир Волков етафтсь рабочай васедема «Биохимик» ПАО-ть генеральнай директоронц Денис Швецовонь мархта. Корхтамась мольфтевсь предприятиять сяда тов касфнеманц-виияфнеманц колга.
Корхтафоль пяк эрявикс проектть – антибиотиконь од виттнень анокламаснон коряс научно-производственнай центрать пуроптоманц колга. 2 тоннат фармацевтическяй субстанция кизоти мощность мархта заводсь кармай решандакшнемост импортонь полафнемань задачатнень, кирьфнема лекарствань омба масторонь производительхнень эзда ащемать. «Биохимикть» партнероц тя проектса – Н.П.Огаревонь лемса МГУ-сь. Од производствати вложениятнень лувкссна – 500 миллион цалковай.
Проектсь эряфс етафневома кармай несколька этапса. Кода азозе предприятиять вятиец, тяддень декабрьста ни арьсекшневи нолдамс тевс ниле активнай фармацевтическяй субстанциятнень.
Стане жа васедемаса ванфтольхть производствань объемтнень касфнемаснон, нолневи продукциять келепнеманц, од рабочай вастонь панчсемать мархта сотф кизефксне.
Рабочай васедемаса примась участия республикань Правительствать Председателенц заместителец – промышленностень, наукань и од технологиянь министрсь Александр Седов.
Мордовия Республикань Оцюнять Пресс-службац