Владимир Волков етафтсь рабочай васедема Ростехнадзоронь Волжско-Окскяй управлениять вятиенц мархта

Владимир Волков етафтсь рабочай васедема Ростехнадзоронь Волжско-Окскяй управлениять вятиенц мархта

Мордовия Республикань Оцюнясь Владимир Волков 21 сентябрьста етафтсь рабочай васедема Ростехнадзоронь Волжско-Окскяй управлениять вятиенц Константин Давыдовонь мархта.

Константин Давыдов макссь оцю оценка ведомствать и Мордовия Республикать важнай кизефкснень решандамаса марстонь работаснонды. Корхтамась мольфтевсь 2018 кизонь футболть коряс миронь чемпионатонь обекттнень анокламаснон колга, конатнень кирдьсыне контроль ала Ростехнадзорсь, - «Мордовия Арена» стадионть строяманц и аэропортовай комплексть реконструкциянц колга. Примафтольхть решеният мундиальти вяре азф объекттнень анокламань пингснон коряс.

Константин Давыдов стане жа пачфтсь Владимир Волковонди сянь колга, што Саранскяйса аделавома лангса Ростехнадзоронь зданиять ремонтоц: «Чемпионатти зданияньке кармай анок!»

Тяда башка, васедемаса кепсевсть кизефксне, конат сотф республикать и жилищно-коммунальнай инфраструктурань объекттнень сексень-тялонь

пингти анокламаснон мархта. Ширетне нинге весть кемокстазь марстонь работать коряс мяльть.

Стане жа региононь оцюняти няфтьфоль мордовия Республикать эзга Ростехнадзоронь Волжско-Окскяй управлениять вятиенц заместителец Владимир Расшивалин, кона путф тя должностти тяддень майста экологическяй, технологическяй и атомнай надзорть коряс Федеральнай службань вятить приказонц мархта.

Мордовия Республикань Оцюнять пресс-службац