6 июльста Мордовиянь Оцюнясь Владимир Волков етафтсь Саранскяйса Универсальнай залть строяманц шумордаманц коряс совещания. Совещанияса примась участия МР-нь Правительствать Председателец Владимир Сушков, проектнай и строительнай организациятнень, конат водендафт объектть строямаса, вятисна.
Владимир Волков шарфтсь мяль сянди, што Универсальнай залть строямац шумордама 2018 кизоть аделавомс. Оцюнясь китькстазе, што декабрьста Саранскяйсь примасыне фигурнай курькснемать коряс Россиянь чемпионатонь участникнень и инжихнень. «Универсальнай залсь вчек ладяй ня пялькстоматнень етафтоманкса. Тянь колга минь корхнеме Россиянь конька лангса фигурнай курькснемань федерациять Президентонц Александр Горшковонь и легендарнай тренерть Татьяна Тарасовать мархта. Сяс эряви виияфтомс генеральнай заказчикть, проектировщикнень, подряднай строительнай организациятнень работаснон и кенеремс аделамс работатнень эсь пингстонза!»
Лятфтасаськ, 2018 кизоня Мордовияти Саранскяйса Универсальнай залть строяманкса федеральнай бюджетста нолдафоль 580 миллион цалковаень лувксса субсидия. Тянь коряс распоряжениять кемокстазе Россиянь премьер-министрсь Дмитрий Медведев.
Мордовия Республикань Оцюнять пресс-службац