19 майста Мордовия Республикань Оцюнять нюрьхкяня пингс тевонзон тиендисна Владимир Волков етафтсь выездной рабочай совещания «Тавла» ГЖК-ть строительнай площадкасонза, а стане жа ванозе, кода мольфтеви «Юбилейный» микрорайононь 2018 кизонь футболть коряс Миронь чемпионатти лемтьф кой-кона объекттнень строямасна. Совещанияса примасть участия МР-нь Правительствать Председателец Владимир Сушков, Мордовиянь строительствань и архитектурань министрсь Виктор Цыганов. Од микрорайонца полициянь отделть строительнай площадкасонза стане жа ульсь Мордовия Республикань внутренняй тевонь министрсь Юрий Арсентьев.
Владимир Волков васенцекс ванозе «Тавла» гостинично-жилой комплексть. Тяса активнайста мольфтевихть строямань тефне. 4 лама квартирань куттне и 4 гостиницатне строявихть несколька подрядчикнень вийснон мархта. Мзярс сембе работайхть аф фкя лаца. Владимир Волков мярьгсь виензафтомс работать, водендамс стройплощадкатненди сяда лама техника и рабочай. Лятфтасаськ, што Миронь чемпионатть етафтомда меле «Тавласа» гостиничнай номерхне максовихть эряма васттнень алу, тяконь лувксса социальнаень.Тя проектть эряфс етафнеманц рамкаса од квартират получайхть уроз иттне и лама идень семьятне.
Стане жа Владимир Волков ванозе «Юбилейный» микрорайонца лия куттнень и соцкультбытонь объекттнень строямаснон, корхнесь рабочайхнень мархта- корхтамась мольфтевсь строительхнень заработнай платаснон колга каменщикнень и сварщикнень примерснон лангса.
Корхтамок объекттнень тевс сувафтомаснон колга, Владимир Волков китькстазе: «Декабрь ковть самс объекттне сувафтомат тевс, а апрельти эряфсь микрорайонца должен лаказь-лакамс!» Тяка пингть, кода отмечазе республикань Оцюнять нюрьхкяня пингс тевонзон тиендисна, сезонть аделавомс эрявихть шумордамс микрорайонть благоустройстванц коряс сембе работане, тяконь лувкссот автодорожнай и пешеходнай сеттне. «Тянь коряс вешфкссь эздонтт кармай пяк оцю!» - азозе Владимир Волков подряднай организациятнень вятиснонды.
Мордовия Республикань Оцюнять Пресс-службац