Владимир Волков етафтсь заседания коррупцияти каршек ащемать коряс

Владимир Волков етафтсь заседания коррупцияти каршек ащемать коряс

Мордовия Республикань Оцюнять нюрьхкяня пингс тевонзон тиендисна Владимир Волков 19 майста етафтозе коррупцияти каршек ащемать коряс работать ладяманц коряс комиссиять плановай заседаниянц. Заседанияса примасть участия Мордовия Республикань Оцюнять Администрациянц, исполнительнай властень оргаттнень, надзорнай и правоохранительнай ведомствань представительхне. Корхтафоль республикать территорияса государственнай властень, местнай самоуправлениянь, правоохранительнай и контролирующай оргаттнень коррупцияти каршек ащемать коряс работаснон эффективностенц касфнеманц колга.

Корхтафоль «Противодействие коррупции в Республике Мордовия на 2014-2018 годы» государственнай программать мероприятиянзон 2016 кизоня пяшкотькшнемаснон результатонзон колга, а стане жа тя сфераса Мордовиять эзга МВД-ть работань итогонзон квалма. Кулхцонтфтольхть республикать эзга внутренняй тевонь министрть Юрий Арсентьевонь и Мордовия Республикать эзга юстициянь тефнень коряс Государственнай комитетть председателенц Михаил Денисовонь докладсна.

Владимир Волков, кона вятьсы комиссиять, китькстазе, што коррупциять каршес ащемать коряс работась должен мольфтевомс фалу, тянь коряс сембе структуратнень еткса сотксонь кирнезь. Мордовиянь лидерсь лятфтазе, што странань Президентсь Владимир Путин коррупционнай правонарушениятнень профилактикаснон лемдезе фкя инь васенце задачакс, кона путневи федеральнай структуратнень и Российскяй Федерациянь субъекттнень властень органцнон инголе.

Мордовия Республикань Оцюнять Пресс-службац