Владимир Волков: «Мордовиясь кирдьсы Владимир Путинонь 2018 кизоня Россиянь Президентть постс баллотировандаманц коряс решениянц ширенц!»

Владимир Волков: «Мордовиясь кирдьсы Владимир Путинонь 2018 кизоня Россиянь Президентть постс баллотировандаманц коряс решениянц ширенц!»

Корхтамок 2018 кизоня Российскяй Федерациянь Президентть должностьс Владимир Путинонь кандидатуранц лихтеманц коряс кулять колга, Мордовия Республикань Оцюнясь Владимир Волков мярьгсь:

«Кода и марнек странась, Мордовиянь эряйхне кирнесазь примаф решениять ширенц.

Минь спасибатама Россиянь Президентти ся мялень шарфнемать инкса, конань сон няфнесы республикань эряйхненди, Мордовияти целайнек. Президентсь фалу мархтонк и аф теждя пингста, и сяськоманьконь пингста, кеняртьксста. Тяфта ульсь фалу! Путин аф весть улендсь Мордовияса, лац содасы, мезьса эряйхть минь ломаненьке. Минь марса етафтоськ Мокшэрзянь народть Российскяй государствань нароттнень мархта шоворемстост тежянь кизонь топодемать. Президентть инь оцю путксоц сянди, што Россияв сась футболть коряс миронь чемпионатсь и аньцек теенза спасибама сянкса, што Саранскяйсь арась тя мировой событиянь ошнень-организаторхнень еткста фкякс. Семботь тянь эзда ащи республикать касондомац-вииякшнемац лама кизот инголи. Пяк важна, што Президентсь фалу лезни тейнек пяк эрявикс проектоньконь эряфс етафнемасост – промышленностть, велень хозяйствать виияфнемаса, китнень, эряма васттнень, школатнень, идень саттнень стройсемасост, наукать и культурать ширеснон кирнемаса.

Кеман, марнек Россиянь, тяка лувксса и Мордовиянь эряйхнень ширень кирдемасна обязательна вяти Российскяй Федерациянь Президентть кочкаманзон эса Владимир Владимирович Путинонь сяськоманцты!»

Мордовия Республикань Оцюнять пресс-службац