Мордовиянь Оцюнясь Владимир Волков 1 декабрьста Москуса примась участия 2018 кизонь футболть коряс миронь чемпионатть финальнай жеребьевкасонза. Мероприятиясь етась Государственнай Кремлевскяй дворецса и пуроптсь несколька тежятть ломань – малаткшни турниронь 32 командатнень-участницатнень делегациясна, официальнай ломатть, етай и тяниень пингонь легендарнай футболистт, содаф артистт.
Жеребьевкань церемониясь ушедсь 18.00 частса и няфтьфоль Васенце каналть прямой эфирса. Кочкафтольхть командатне, конат етафтсазь Чемпионатонь налхкоматнень Саранскяйса. 16 июньцта Мордовиять столицаса кармайхть налхкома Перунь и Даниянь сборнайхне, 19 июньцта – Колумбиянь и Япониянь сборнайхне, 25 июньцта Саранскяи сайхть Португалиянь и Иранонь сборнайхне, а мекольцекс Мордовияса арай Панамань и Тунисонь командатнень матчсна, кона етай 28 июньцта.
Мордовия Республикань Оцюнять пресс-службац