Владимир Волков 16 майста Казаньца примась участия совещанияса, конань етафтозь Россиянь безопасностень Советть Секретарец Николай Патрушев и Приволжскяй Федеральнай округса РФ-нь Президентть полномочнай представителец Михаил Бабич. Корхтамась мольфтевсь терроризмати и экстремизмати, а стане жа аф законнай миграцияти кить персеманкса примсеви мератнень колга.
Кода отмечазе Михаил Бабич, ПФО-нь региоттнень эса пуроптф и лац работай экстремизмать и терроризмать профилактикаснон коряс системась, фалу ванови межнациональнай и межконфессиональнай обстановкать мельге. Кода результат 2014-2017 кизотнень округть территорияса апак нолдаколь фкявок террористическяй акт сязевомань устройстватнень тевс нолнезь, конат вятсть ломаттнень шавомаснонды. 2016 кизоня безопасностень оргаттнень мархта перяфоль террористическяй акттненди кись Башкортостанца, Татарстанца, Кировскяй и Нижегородскяй областьса.
РФ-нь Безопасностень советть Секретарец шарфтсь мяль ведомстватнень еткса марстонь работать виияфнеманцты, кона лезды перямс кить религиознай экстремизмать келемоманцты и террористтнень равжа тевснон виензамаснонды. Тяда башка, Никалай Патрушев китькстазе национальнай диаспорань представительхнень, омба масторонь граждаттнень и синь работань макссиснон еткса разъяснительнай работать виияфнеманц эрвиксшинц (пачфнемс мекольцетненди российскяй миграционнай законодательствать вешфксонзон и синь колсеманксост ответственностть колга) квалма.
Совещаниянь участникне корхтасть мератнень колга, конат водендафт международнай террористическяй организациянь члеттнень лихнеманкса, конат нолнесазь тевс миграционнай каналхнень округть территорияса ширень кирдиснон вешендеманкса.
Совещаниять рамкаса выступленият тисть федеральнай министерствань и ведомствань, силовой структурань представительхне, округонь региоттнень оцюнясна, Россиянь Безопасностень советть членонза. Азфтольхть мяльхть-арьсемат уликс прябалатнень решандаманкса.
Мордовия Республикань Оцюнять Пресс-службац