5 августста Мордовиянь Оцюнять аф оцю пингс тевонзон тиендисна Владимир Волков примась участия святой праведнай воинть Феодор Ушаковонь эряфста тумстонза 200 кизонь топодемати лемтьф пуромкснень эса. Мероприятиятне етасть Саранскяй Кафедральнай соборса и святой адмиралти памятникть маласа. Полициять даннаензон коряс торжестватненди пуромкшнесь 5 тежяттнень малава ломань.
Шобдава Кафедральнай Соборса ушедсь Божественнай литургиясь, конань вятезь Санкт-Петербургскяй и Ладожскяй митрополитсь, Московскяй Патриархиять тевонзон мархта управляющайсь Варсонофий и Саранскяй и Мордовскяй митрополитсь Зиновий, а стане жа Русскяй православнай церькавонь архипастырьхне и Мордовскяй митрополиянь духовенствась. Службать аделавомда меле духовенствась и прихожаттне крестнай ходса мольсть Ушаковонь памятниконцты. Крестнай ходсь мольсь эрек коридорга, конань тиезь кадеттне, казакне, од ломанень активисттне, Саранскяень эряйхне. Памятникть маласа ащесь почетнай караулсь.
Святой флотоводецти памятникть ваксса васттнень занязь:
Мордовиянь Оцюнять аф оцю пингс тевонзон тиендисна Владимир Волков, МР-нь Госсобраниять Председателец Владимир Чибиркин, Мордовиянь Правительствать Председателец Владимир Сушков, РФ-нь Федеральнай Собраниянь Федерациянь Советонь членць В.В.Литюшкин, МР-ть эзга главнай федеральнай инспекторсь М.С.Сезганов, Мордовия Республикань
Оцюнять Администрациянц вятиец – Мордовия Республикань Оцюнять государственнай советникоц Н.С.Крутов, РФ-нь Вооруженнай вийхнень личнай составснон мархта работать коряс Главнай управлениять начальникоц М.Н.Барышев, Саранск ошень округонь оцюнясь П.Н.Тултаев, РФЯЦ-ВНИИЭФ-ть Почетнай научнай руководителец Р.И.Илькаев, Россиянь Военно-Морской флотть главнай штабонц начальниконц заместителец – ВМФ-нь связть начальникоц контр-адмиралсь В.И.Земсков, А.И.Бурназянонь лемса Федеральнай медицинскяй биофизическяй центрать Главнай научнай сотрудникоц, Наукань росиийскяй академиянь академиксь, генерал-майорсь И.Б.Ушаков, Россиянь Военно-Морской флотонь ветераттнень Межрегиональнай общественнай организацияснон председателец, вице-адмиралсь А.А.Побожий, Балтийскяй, Севернай и Черноморскяй флоттнень представительсна.
Церковнай службать аделавомда меле, памятникти путфтольхть панчфт Мордовиянь Оцюнять аф оцю пингс тевонзон тиендиснон, Мордовиянь Государственнай Собраниять, МР-нь Правительствать, РФ-нь Федеральнай Собраниянь Федера льнай Советонь, ПФО-са РФ-нь Президентть полномочнай представителенц Аппаратонц, Саранск ошень округонь Администрациянь члеттнень эзда.
Торжестватнень шумордамста, пуромфнень инголе корхтась Владимир Волков. Сон мярьгсь: «Ушаков правас коре арси мужествань, российскяй флотть аф сяськовишинц примеркс.
Сембе сонь эряфоц тонафнесамазь нльне эста мзярда аф азовомшка стака лядондомс ломанькс, улемс вернайкс Родинати.
Тейнек, Мордовиянь эряйхненди, Федор Федорович башка мала. Именна мокшэрзянь масторть сон кочказе эряфонь мекольце кизонзон етафтоманкса.
2001 кизонь августста Темников ошсь – арась марнек православнай мирть духовнай центракс. Канонизациянь церемониять вятезе тячиень Москувонь и сембе Русень Патриархсь Кирилл. Торжестватнень эса примасть участия 7 тежяньда лама ломань.
Тяни Саранскяйть кучкаса строяф святой праведнай воинть лемс Кафедральнай Собор, конань святиндазе Патриархсь Алексий II.
Пуромфнень инголе выступандась Высокопреосвященнейший Варсонофий, Санкт-Петербургскяй и Ладожскяй Митрополитсь, Московскяй Патриархиять тевонзон мархта управляющайсь. Сон азозень торжествань
участникненди поздравлениянь валхнень русскяй Православнай церькавонь патриархть Кириллонь эзда. Саранскяй и Мордовскяй митрополитсь Зиновий казезе Владимир Волковонди святой праведнай воинть Феодор Ушаковонь шкаень ликонянц.
Тяда меле В.Д.Волков, Владыкась Варсонофий и Владыкась Зиновий ванозь «На земле святого праведного воина Феодора Ушакова» Межрегиональнай выставкать-ярмаркать.