12 июньцта, Россиянь шиня, Республикань Кудса казьфтольхть сят, кинь аф емлат сатфкссна трудовой и общественнай эряфса. Залу пуромкшнесть культурань, искусствань, образованиянь и наукань представительхть, государственнай деятельхть, спортсметт, лама идень тядят-алят и лият.Тяда башка, тяка шиня Мордовия Республикань Оцюнять аф лама пингс тевонзон тиендисна В.Д.Волков макссь Российскяй Федерациянь гражданинонь паспортт од ломаттненди.
Мероприятиять панжемста В.Д.Волков поздравляндазень пуромфнень и республикань сембе эряйхнень государственнай тя праздникть мархта.
- Тя илась пяшкотьф Родинати оцюдонга оцю кельгомаса. Минь марятама оцю гордость сонь историянц, культуранц, коензон-обуцянзон инкса. Россиясь коль касонды-вииякшни, а мархтонза марса вииякшни и минь республиканьке – Мордовиясь. Кеман, мзярс республикасонк кармайхть тинь лацонт ломатть, конат аф ащекшихть озадонь седихть эсь работаснонды, минь карматама сатнема оцю сатфкст эрь тевсонк.
Пшкядемок од ломаттненди, В.Д.Волков мярьгсь:
- Мяляфтость, што тинь шачеде и кастада ся странаса, кона казсь мирти аф кржа содаф ломань. Синь етксост врачт, ученайхть, педагокт, писательхть, художникт, государственнай и общественнай деятельхть. Минь солдатоньке сизьгемонь кафтува кизода инголе сяськозь фашизмать.
Тяда меле Мордовиянь Оцюнять аф лама пингс тевонзон тиендисна максозень государственнай казнетнень. Чрезвычайнай ситуациятнень эзда населениять араламаса заслуганкса «Мордовия Республикань Заслуженнай спасатель» почетнай званиясь максф Владимир Викторович Плюсковонди – «1 отряд противопожарной службы по Республике Мордовия» федеральнай государственнай казеннай учреждениянь 2№ пожарно-спасательнай частень караулонь начальникть помощниконцты. Государственнай властень оргаттнень эса лама кизонь добросовестнай работанкса «Мордовия Республикань государственнай властень органонь Заслуженнай работник» почетнай званиясь максф Светлана Евгеньевна Киселевати – Мордовия Республикань Государственнай Собраниять бюджетть, финанснень и налокнень коряс Комитетть председателенцты.
Культураса заслуганкса и лама кизонь добросовестнай работанкса «Мордовия Республикань культурань Заслуженнай работник» почетнай лемсь максф Оксана Евгеньевна Симкинати – Л.П.Кирюковонь лемса Саранскяй музыкальнай училищать директоронцты.
Культураса и духовно-нравственнай воспитанияса лама кизонь сотрудничестванкса «Мордовия Республикань Оцюнять премиянц Лауреатоц» лемсь максф Николай Михайлович Бородачевонди – Российскяй Федерациянь кинофильмань Государственнай фондть генеральнай директоронцты.
Историческяй козяшить ванфнеманцты и од ломаттнень патриотическяй воспитанияснонды оцю путксонкса «Мордовия Республикань Оцюнять премиянц Лауреатоц» званиясь максф Елена Васильевна Никишовати – Ельниковскяй историко-краеведческяй музеень лекторти-экскурсоводти и Татьяна Анатольевна Шашановати – Ельниковскяй историко-краеведческяй музейть директороцты.
Экологияса заслуганкса «Мордовия Республикань Заслуженнай эколог» почетнай званиясь максф Александр Борисович Ручинонди – П.Г.Смидовичень лемса Мордовскяй государственнай природнай заповедникть директоронцты.
Трудовой сатфксонь сатнеманкса и Саранск ошть благоустройстванцты оцю путксонкса Мордовия Республикань Оцюнять Благодарностьса казьф Наталья Васильевна Савватеева – «Домком-Сервис 1» ограниченнай ответственность мархта обществань дворниксь-уборщиксь.
Республикань экологиять цебярьгофнеманцты оцю путксонкса Мордовия Республикань Оцюнять Благодарностьса казьф Наталья Петровна Тужилкина - Мордовия Республикаса Общероссийскяй народнай фронтть региональнай отделениянц активистоц, Лямбирскяй муниципальнай райононь Атемарскяй велень поселениянь депутатсь.
Физическяй культураса и спортса заслуганкса и легкай атлетикаса оцю спортивнай результатонкса «Мордовия Республикань физическяй культурань Заслуженнай работник» почетнай лемсь максф Евгений Валерьевич Швецовонди – сурдлимпийскяй и паралимпийскяй резервань спортивно-адаптивнай школань спортсменти-инструкторти.
Иранца 2017 кизонь греко-римскяй бороцямать коряс миронь Кубкаса оцю результатонь сатоманкса и международнай аренаса Мордовия Республикать лемонц вярьгак кандоманкса «Мордовия Республикань Оцюнять премиянц Лауреатоц» званиясь максф Артем Олегович Сурковонди – А.В.Мишинонь лемса бороцямать коряс олимпийскяй резервань спортивнай школань спортсменти-инструкторти.
Таиландса 2017 кизонь интеллектуальнай нарушения мархта лицань спортть еткса легкай атлетикать коряс миронь чемпионатса оцю результатонь сатоманкса и международнай аренаса Мордовия Республикать лемонц вярьгак кандоманкса «Мордовия Республикань Оцюнять премиянц Лауреатоц» лемсь максф Алина Алексеевна Хохловати – сурдлимпийскяй и паралимпийскяй резервань спортивно-адаптиванй школань спортсменкати.
Таиландса 2017 кизонь интеллектуальнай нарушения мархта лицань спортть еткса легкай атлетикать коряс миронь чемпионатса оцю результатонь сатоманкса и международнай аренаса Мордовия Республикать лемонц вярьгак кандоманкса «Мордовия Республикань Оцюнять премиянц Лауреатоц» лемсь максф Регина Алексеевна Хохловати – сурдлимпийскяй и паралимпийскяй спортивно-адаптивнай школань спортсменкати.
«Ученик года - 2017» образовательнай организациянь тонафнихнень еткса Межрегиональнай конкурсса оцю результатонь сатоманкса Мордовия Республикань Оцюнять Благодарностьса казьф Кирилл Игоревич Данилов – Саранскяень 20№ гимназиянь 11 классонь тонафнись.
Семьянь инь цебярь койхнень-обуцятнень эреклафнемаснонды и виияфнемаснонды оцю путксонкса Мордовия Республикань Оцюнять Благодарностьса казьф Рузаевскяй райононь Левжа велеста Канаефнень семьясна. Канаефне арасть сяськикс «Успешная семья Приволжья – 2017» V фестивальть-конкурсть «Родительская слава» номинациясонза.
Официальнай пялькста меле Владимир Волков лямбста корхнесь мероприятиянь участникнень мархта и кеподсь тост государственнай праздникть – Россиянь шить инкса, странать и республиканьконь панчфокс панжемаснон инкса.
Мордовия Республикань Оцюнять Пресс-службац