Владимир Волков: «Школьникнень международнай и мировой олимпиадатнень эса сяськомаснон инкса гордость маряй аф аньцек республикась, но и сембе странась»

Владимир Волков: «Школьникнень международнай и мировой олимпиадатнень эса сяськомаснон инкса гордость маряй аф аньцек республикась, но и сембе странась»

24 декабрьста Мордовиянь  Оцюнясь Владимир Волков васетькшнесь  школьниконь международнай и  мировой олимпиадань сяськихнень  и призерхнень мархта.

Васедемань участникнень еткса ульсть асу шабанди Республиканскяй лицеень представительхне, синь тядясна-алясна, тонафтысна.

«Кепси мяль международнай и мировой олимпиадань сяськихнень и призерхнень тага весть чествондамасна. Поздравляндасаьк шабатнень, синь тядяснон-аляснон и тонафтыснон тяшка оцю сатфксснон мархта. Инксонт гордость маряй аф аньцек Мордовиясь, но и сембе странась! Тинь няфнетяда пример сянь эса, кода асушись и эрь шинь трудсь макссихть сатнемс оцю результатт», - азозе В.Д.Волков.

МР-нь Оцюнясь китькстазе, што образованиять качествац регионцонк должен касондомс. Республикань районнай школатнень эса тонафтомась должен улемс аф сяда кальдявкс ошень инь цебярь тонафнемань заведениятнень эзда. Эсь ширденза республикань руководствась тиендьсы семботь, штоба лезкссь, кона макссеви педагогическяй работникненди, тяка лувксса заработнай платать касфнемац, цебярьгофтольхце учительхнень эряфснон и касфтольхце тя профессиять престиженц.

«Эрявикс етафнемс школьникнень еткса профориентационнай работа, штоба педагогическяй вусненди поступальхть асу выпускникт, и сяда тов школазонк сашендольхть оцю профессионализма мархта преподавательхть», - отмечазе Владимир Волков.

Азсаськ, што кота кизоста лицейса аноклаф школьниконь Всероссийскяй олимпиадань мекольце этапонь 26 сяськи и 95 призер; международнай олимпиадань и турниронь 28 золотань, 43 сиянь и 34 бронзань медалист; школьниконь мировой предметнай олимпиадань 15 золотань, 5 сиянь и 2 бронзань медалистт. 73 лицеистсь получазь Российскяй Федерациянь Президентть грантонц, 28 лицеистсь – Мордовия Республикань Оцюнять премиянц.

Олимпиадань сяськихненди, призерхненди, тонафтыхненди и тядятненди-алятненди Владимир Волков максозе Мордовиянь Оцюнять благодарностенц. Стане жа казьфне получасть ярмаконь премият. Асу шабанди Республиканскяй лицейть директороц Евгений Вдовин казьфоль Республикань Почетнай грамотаса.

Олимпиадатне:

Физикать коряс XLVII Мировой олимпиадаса (IPhO-2016), кона етась 2016 кизонь 11-17 июльста Цюрихса (Швейцариясь), золотань медальть сявозе Иван Утешев, сияннеть – Максим Елисеев. Медальхть сатсть российскяй сборнайть, конань марстонь копилкасонза ниле «золотат» и фкя «сия», сембе членонза.

Физическяй сембе олимпиадатнень еткса IPhO-сь шарфты эсь лангозонза мяль кунардонь традициянзон, судействань оцю уровененц, а стане жа инь лама участниконзон мархта.

11-17 июлень состязаниятнень  эса участия примась 450 школань  оцю классонь тонафни и выпускник  миронь 90 странаста: Австралияста, Азербайджанста, Бельгияста, Венгрияста, Германияста, Израильста, Индияста, Индонезияста, Испанияста, Казахстанста, Канадаста, Китайста, Кыргызстанста, Латвияста, Малайзияста, Монголияста, Непалста, Польшаста, Россияста, Румынияста, Саудовскяй Аравияста, Сингапурста, США-ста, Таиландста, Украинаста, Финляндияста, Францияста, Эстонияста, Южнай Кореяста и лияста.

Россиянь Сборнайть эсольхть вете инь цебярь физикне, конатнень еткса Республиканскяй лицеень кафта выпускникне: Утешев Иван (Мордовия Республикась, Саранск ошсь) и Елесеев Максим ( Мордовия Республикась, Саранск ошсь).

12 октябрьста Болгарияса, Смолян-Пампорово ошса шумордавсь XXI Международнай астрономическяй олимпиадась (IAO-2016), конань эса золотань медальть сявозе Дамир Гасымов, а бронзовайть – Станислав Цапаев.

Сембоц Российскяй сборнайть копилкаса кафта золотань, колма сиянь и кафта бронзань медальхть.

Тядде состязанияса участия примась 76 школьник миронь 15 государстваста: Арменияста, Болгарияста, Румынияста, Россияста, Индияста, Китайста, Таиландста, Италияста, Украинаста, Швецияста, Киргизияста, Кореяста, Чехияста, Македонияста.

Традицияс коре российскяй школьникне няфтьфтольхть кафта командаса: Россиянь командась и Московскяй региононь командась. Недяляньберьф участникне варчсезь эсь вийснон теоретическяй и практическяй задачатнень решандамаса, а стане жа няфнезь эсь содамошиснон менельть коряс и астрономическяй наблюдениянь техникаснон. Россиянь сборнайсь няфтьфоль олимпиадаса 7 школьникса, конатнень лувксс сувасть минь кафта лицеистоньке: Дамир Гасымов Фариз оглы (Нижегородскяй областсь, Нижний Новгород ошсь, 10А классь) – емла группать составса, Станислав Сергеевич Цапаев (Мордовия Республикась, Саранск ошсь, 10А классь) – оцю группать составса.

10 декабрьста Индонезияса, Бали островса шумордавсь юниорхнень XIII Международнай естественнонаучнай олимпиадасна, конань эса участия примась 50-да лама страна: Австралиясь, Германиясь, Тайванць, Индиясь, Кореясь, Таиландсь, Китайсь, Бразилиясь, Аргентинась, Сербиясь, Венгриясь, Румыниясь, Эстониясь и лиятне.

Российскяй командать эсольхть 6 школьникт, тяка лувксса Алексей Шишкин, асу шабанди Республиканскяй лицеень тонафнись.

Олимпиадань программать эсольхть колма турхт: тестовай, теоретическяй и экспериментальнай, коса участникненди эрявсь няфтемс содамошиснон физикать, химиять и биологиять коряс, а стане жа экспериментальнай мастерстваснон.

Состязаниянь итокнень коряс асу шабанди Республиканскяй лицеень тонафнись Алексей Шишкин личнай зачетса сявозе «золотать», няфтемок инь цебярь результат россияниттнень еткса и абсолютнай омбоце результатть мирса.

Тяда башка, команднай состязаниянь результаттнень коряс экспериментальнай турса Алексей марса Павел Супрунонь и Ярослав Поздняконь мархта сатсть Россияти нинге фкя золотань медаль.

Азома сявок, што российскяй сборнаень котоцьке участникне мрдасть Индонезияста медаль мархта. Росиянь сборнайть активса 2 золотань (А.Шишкин, П.Супрун) и 4 сиянь медальхть (С.Крымский, Я.Поздняк, Е.Коренков, М.Давыдов).

18 декабрьста Бхубанешвар  ошса (Индиясь) шумордавсь астрономиять и астрофизикать коряс X Международнай олимпиадась. Участия эсонза примась 230 од астроном миронь 42 странаста (Китайста, Канадаста, США-ста, Таиландста, Сингапурста, Бразилияста, Португалияста, Грецияста, Польшаста, Чехияста, Хорватияста и лияста.).

Россияста участвондасть 10 школьникт и васенце курсонь студентт кафта командатнень составса – основнойть и гостевойть. Основной командать составс сувасть Станислав Цапаев – асу шабанди Республиканскяй лицеень кемонце классонь тонафнись – и лицеень выпускниксь Иван Утешев, кона поладозе тонафнеманц МФТИ-са. Гостевой командать составс сувась лицеень выпускницась, а тяни М.В.Ломоносовонь лемса МГУ-нь тонафнись Анастасия Автаева.

Недяляньберьф участникне няфнезь эсь содамошиснон и маштомошиснон колма турса: теоретическяса, наблюдательнайса и практическяйса. Российскяй сборнаень пцтай сембе представительхненди удалась сявомс медаль, тяка лувксса золотань медальсь Иван Утешевонь кядьса и бронзовайсь Станислав Цапаевонь кядьса.

Иван Утешев казьф специальнай казнеса практическяй турса мирса инь цебярь результатонкса. Аф официальнай команднай первенстваса Россиянь сборнайсь занязе васенце вастть медальнай зачетса.

Справканди:

2010 кизоня 11.05.2010к. Мордовия  Республикань Правительствать 277-Р  № Распоряжениянц мяльс сявозь  пуроптф «Республиканский лицей  для одаренных детей» Мордовия  Республикань Государственнай бюджетнай  общеобразовательнай учреждениясь (сяда тов Республиканскяй лицейсь).

Республиканскяй лицейсь арси главнай пяльксокс «Школа-ВУЗ-Производство» кадрань анокламань инновационнай структураса. Тя тонафнемань од концепция мархта аф типовой общеобразовательнай учреждения, мекольце целькс конанди арси оцю технологиянь сфераса сай пингонь кадровай потенциалть, высококласснай специалистонь командать пуроптомасна, конатненди вийс коре шашфтомс инголи «еню» экономикать.

Тяниень пингть Республиканскяй лицейса тонафни 318 лицеист, тяка лувксса 50 школьник Россиянь лия региоттнень эзда (Моску ошста, Амурскяй, Воронежскяй, Ивановскяй, Иркутскяй, Московскяй, Нижегородскяй, Пензенскяй, Самарскяй, Саратовскяй, Сахалинскяй, Ульяновскяй, Челябинскяй областтнень эзда; Пермскяй, Красноярскяй, Приморскяй, Хабаровскяй крайхнень, Башкортоста, Дагестан, Коми, Крым, Осетия (Алания), Хакасия, Чувашия республикатнень эзда).

Анокламась мольфтеви тонафнемань колма профильхнень коряс: физическяйть (анокламань направлениясь – физика и астрономия), химико-биологическяйть (анокламань направлениясь – химия, биология и экология)и математическяйть (анокламань направлениясь – математика и информатика).

Профилева явомать вельде тонафнемась лицейса арси индивидуализированнайкс, эффективнайкс и профильнай предметтнень коряс крхка содамошитнень лангса пуроптфокс. Лицеисттне тонафнихть аф аньцек общеобразовательнай стандарттнень рамкаса, но и эрь шиня якайхть индивидуальнай занятияс профильнай предметтнень коряс, мезть вельде сатневи сяда крхкаста тонафнемась (практическяй и лабораторнай занятиятнень).

Преподаваниянь оцю уровенть Республиканскяй лицейса обеспечендакшнесазь республикань инь цебярь преподавательхне, конатнень лувксса 29 наукань кандидат и 3 докторхт. Лицейсь активнайста сотрудничандай Россиянь ведущай вуснень мархта.

2015 кизоня тевс сувафтфоль  тонафнемань од корпуссь, кона  козякофтф тяниень пингонь оборудованияса, лабораторияса и спортивнай блокса. Лия ошста саф тонафнихненди  ули кода эрямс пришкольнай  интернатса.

2015-2016 кизонь итокнень  коряс Республиканскяй лицейсь  занцесы:

- 2 вастть Россиянь инь цебярь школань «Топ-25» рейтинговай спискаса. Рейтингсь аноклаф аф лоткафневи математическяй образованиянь  Московскяй центрать мархта «Социальнай навигаторть» , «Россия сегодня» МИА-ть и «Учительскяй газетать» лезксснон вельде РФ-нь Образованиянь и наукань Министерствать содействиянц пингста.

-сувси Россиянь инь  цебярь образовательнай организациянь  «Топ-500»-ти;

-сувси общеобразовательнай  организациянь «Топ-200»-ти, конат  обеспечендакшнесазь тонафнихнень  асуснон виияфнемань оцю возможносттнень;

-1 вастть «Топ-10 общеобразовательных  организаций физико-химического  профиля» рейтингса;

-1 вастть «Топ-10 общеобразовательных организаций индустриально-технологического профиля» рейтингса;

-2 вастть «Топ-10 общеобразовательных  организаций физико-математического профиля» рейтингса;

-2 вастть «Топ-10 общеобразовательных  организаций биолого-географического  профиля» рейтингса;

-2 вастть «Топ-10 общеобразовательных  организаций химико-биологического  профиля» рейтингса;

- сувси «Топ-100 общеобразовательных  организаций математического профиля»  рейтингти;

- сувси «Топ-100 общеобразовательных  организаций оборонно-спортивного  профиля» рейтингти.

Тяфта, Республиканскяй лицейсь сувась Россиянь колма инь цебярь школатнень еткс, конат обеспечендакшнесазь качественнай образованиять 6 профильнай областьса.

2012-2013 тонафнемань кизотне  – 6 вастсь Россиянь инь цебярь  школань «Топ-25» рейтингса;

2013-2014 тонафнемань кизотне  – 9 вастсь Россиянь инь цебярь  школань «Топ-25» рейтингса;

2014-2015 тонафнемань кизотне  – 2 вастсь Россиянь инь цебярь  школань «Топ-25» рейтингса.