Владимир Волков ванозень «Медоборудование» заводть сяда товолдонь касоманц-вииякшнеманц коряс кизефкснень

Владимир Волков ванозень «Медоборудование» заводть сяда товолдонь касоманц-вииякшнеманц коряс кизефкснень

Мордовиянь Оцюнять аф лама пингс тевонзон тиендисна Владимир Волков етафтсь рабочай васедема «Аламак» промышленно-финансовай корпорациять генеральнай директоронц Евгений Михайловонь и «Медоборудование» саранскяй заводть генеральнай директоронц Валерий Мазовонь мархта. Корхтафоль 2017 кизоня предприятиять вииякшнеманц и сяда товолдонди планонзон колга.

Кода отмечафоль, 2015 кизоста сявомок заводсь активнайста работай гособоронзаказть коряс, нолнемок военно-медицинскяй техника. Тянь вельде тядде предприятиясь колмонь-крда касфтсыне производствань объемонзон. Заводсь работай колма сменаса, панчсевихть од работама вастт. Российскяй армияти од продукциянь опытнай образецне тяниень пингть етнихть государственнай испытаният.

Владимир Волков путсь заводть руководстванц инголе задача келептемс нолневи продукциять ассортиментонц и сяда тов касфнемс производствань объемтнень. Стане жа республикань вятись китькстазе предприятияса зароботнай платать эсь пингстонза макссеманц и касфнеманц эрявиксшиснон.

Рабочай васедемаса примась участия республикань Правительствать Председателенц заместителец – промышленностень, наукань и од технологиянь министрсь Александр Седов.

Мордовия Республикань Оцюнять Пресс-службац